Reciprociteti i targave, vendkalimet kufitare në Jarinjë dhe Bërnjak të bllokuara për të katërtën ditë

Vendkalimet kufitare në Jarinjë dhe Bërnjak, midis Kosovës dhe Serbisë për të katërtën ditë vazhdojnë të jenë të bllokuara.

Qytetarët serbë të pakënaqur me vendimin e qeverisë së Kosovës për Reciprocitetin e targave, në shenjë proteste kanë mbyllur kalimet, duke bllokuar lëvizjen në të dy anët e kufirit.

Qytetarët serbë  kanë qëndruar sërish tërë natën të mbledhur rreth zjarrit ose në tenda të improvizuara dhe përfaqësuesit politikë nga veriu i Kosovës janë me ta.

Bllokada tanimë ka arritur në  rreth tre kilometra e gjatë dhe mbrëmjen e djeshme në zonë u dërguan edhe më shumë kamionë për të bllokuar trafikun.

Qytetarët serbë kanë bllokuar rrugët në afërsi të pikave kufitare në Bërnjak dhe Jarinjë, në shenjë pakënaqësie.

Në një kohë kur kryeministri i Kosovës Albin Kurti premton heqjen dorë nga një masë e tillë sa kohë Serbia do të marrë të njëjtën masë, presidenti serb Aleksandër Vuçiç shpreh se nuk do të ketë qetësim të situatës nëse nuk do të ketë rikthim në gjendjen e para 20 shtatorit.

Presidenti serb theksoi se nuk do të ketë vazhdim të dialogut ndërsa snajperë dhe armë janë drejtuar tek njerëzit tanë të paarmatosur në veri të Kosovës edhe pasi shefi i politikës së jashtme të Bashkimit Evropian iu bashkua thirrjeve për dialog të mërkurën.

Rendit zhvillimet sipas orarit:
Ora 15:49
Raportohet se dhunuan tre serbë në kufi, Policia e Kosovës akuzon median serbe për keqinformim: Rrit pasigurinë, po i shërben politikës serbe

Policia e Kosovës, ka hedhur poshtë deklaratat se ata kanë dhunuar tre qytetarë serbë në kufirin me Kosovën, deklarata që u bënë publike nga një media serbe kosovo-online.

“Lajmi i radhës i publikuar sot (23.09.21) nga ky medium, se kinse në afërsi të pikë kalimit kufitar në Bërnjak njësia speciale nga Prishtina ka rrahur tre persona serb nuk qëndron, është i pavërtetë dhe ka për qëllim dezinformimin e opinionit, për të paraqitur një situatë pasigurie për qytetarët si dhe për të plotësuar ambiciet e ndryshme politike të orientuara nga jashtë”, thuhet në deklaratën e policisë .

Kossev, një media lokale serbe në Mitrovicën e Veriut, ka raportuar sot se tre të rinj të komunitetit serb në veri janë rrahur nga pjesëtarë të njësiteve speciale të Policisë së Kosovës në veri. Media vendase madje ka publikuar pamje të të rinjve të dhunuar nga Zubin Potoku me inicialet: Z.T., J.T. dhe D.V., në spitalin e Mitrovicës së Veriut. Sipas tyre, anëtarët e njësisë speciale të Policisë së Kosovës i sulmuan ata sot fizikisht. Ata kanë thënë se kanë pësuar lëndime në pjesët e brinjve dhe gjoksit.

Lajmi u mbështet edhe nga Kreu i Listës Serbe, Goran Rakiç, i cili shërben edhe si Ministër për Komunitete dhe Kthim në Qeverinë e Kosovës.

 “Situata sot është më e tensionuar sesa ditët e kaluara. Tre qytetarë serbë janë rrahur nga njësiti special i Policisë së Kosovës në Bërnjak. Protestuesit serbë në Jarinjë dhe Bërnjak nuk do ta tensionojnë situatën e nuk do ta provokojnë policinë. Por Policia nuk duhet provokuar njerëzit e rrahur ata pa ndonjë arsye”, ka thënë Rakiç, që i ka bërë thirrje bashkësisë ndërkombëtare që të gjejë një zgjidhje për situatën.

 Situata në dy pikat doganore mes Kosovës dhe Serbisë prej tre ditësh vazhdon të jetë tejet e tensionuar dhe qytetarët serbë kanë bllokuar qarkullimin për të katërtën ditë rradhazi.

S.M./KT/Shqiptarja.com
  • Sondazhi i ditës:

    A mendoni se Gjykata Kushtetuese do e shkarkojë presidentin Meta ?

Komento


×

Lajmi i fundit

John

Rusi/ Pushteti historik, cili është plani i parashikuar për të ardhmen politike të Putin?