POP 5

Lajmet më të lexuara të 5 minutave të fundit

Opinion

Reforma në drejtësi po jep efekte edhe në interesin e SHBA-ve për të rritur investimet në vend

Efektet e para të reformës në drejtësi nuk janë vetëm në shërbim të shtetit të së drejtës dhe demokracisë në vend e rritjes së cilësi së drejtësisë, por edhe në rritje të investimeve dhe të interesit të SHBA-ve ndaj Shqipërisë!

Reforma në drejtësi po jep efekte edhe në interesin e SHBA-ve për të rritur investimet në vend

SPAK

Efektet e para të reformës në drejtësi nuk janë vetëm në shërbim të shtetit të së drejtës dhe demokracisë në vend e rritjes së cilësi së drejtësisë, por edhe në rritje të investimeve dhe të interesit të SHBA-ve ndaj Shqipërisë!

Duket qartë se interesi i SHBA-ve është në një rritje domethënëse tashmë e pritet të hapet për herë të parë edhe Universiteti Amerikan i Teknologjisë dhe kjo është bërë si një njoftim nga Ambasada e SHBA-ve në Tiranë!  Më në fund SHBA po rikthejnë besimin për investime dhe kjo është ajo çfarë i duhet vendit! Sigurisht investimet e tyre do të rrisin cilësinë e sipërmarrjes dhe të rritjes ekonomike. Modeli amerikan i sipërmarrjes është ai që nuk pranon oligarkët që e minojnë demokracinë dhe e cenojnë tregun e lirë.

Këto ditë  pritet të inaugurohet edhe Baza e Kuçovës pas një investimi prej 50 milion eurosh duke e rritur akoma më shumë sigurinë në vend! Ky investim është indicia më e mirë që falet interesit të SHBA-ve Sovraniteti i Shqipërisë po forcohet dhe nuk po cenohet ashtu siç kanë aluduar disa të tjerë për dy vjet duke propaganduar se po ndërhyhet në çështjet e brendshme! Sovranizmi pa dyshim që në ditët e sotme është populizëm dhe demagogji! Ndërvarësia ndërkombëtare dhe proceset në të cilat është përfshirë Shqipëria nënkupton lëshimin e një pjesë të sovranitetit tonë në të mirën e sigurisë tonë kombëtare dhe në forcimin e saj në arenën ndërkombëtare!

Prandaj, Shqipëria nuk humb asgjë nga intensifikimi i marrëdhënieve me Shba-të, por mund të ndjehet e privilegjuar për pozitën e saj strategjike që ka me partnerët! Shqipëria do të hap kapitujt për të avancuar anëtarësimin e saj të plotë në BE që nënkupton akoma më shumë lëshim të sovranitetit të saj ashtu siç kanë bërë vendet që e themeluan atë ose të tjerët që i janë bashkëngjitur më vonë!

Teoria e imperializmit anglo-amerikan që është kthyer në këto dy vite në diskursin e politikës shqiptare është e rrezikshme për vendin dhe ju shërben vetëm disave që interesat e tyre personale i kanë vendosur mbi interesat e shqiptarëve.

Aleanca me Shba-të është gjëja më e rëndësishme që për fat të mirë e ka Shqipëria duke pasur parasysh edhe faktin se siguria ndërkombëtare është kthyer në prioritetet e vendeve sovrane duke pasur parasysh ngjarjet që po ndodhin ose që mund të ndodhin në vazhdim!

Shqiptarët nuk humbin asgjë nga amerikanët, madje forcojnë demokracinë, rrisin ekonominë, forcojnë sigurinë e po ashtu e bëjnë me të fortë prestigjin ndërkombëtar të Shqipërisë në Rajon dhe me gjerë!

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’

Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’

25 Dhjetor, 09:47