Reforma Zgjedhore 'ngec' te
hapja e kutive të materialeve

TIRANE-Debati mes PD-PS ka mbizotëruar mbledhjen e sotme të komisionit të Reformës Zgjedhore. PS pretendon se ka një tërheqje të së djathtës nga konsensusi për këtë reformë.Bashkëkryetari i komisionit, Damian Gjiknuri deklaroi sot se “në momentin e fundit ka një tërheqje të PD nga konsensusi për kutitë e materialeve zgjedhore”.  Gjiknuri sqaron se bëhet fjalë për nenin 116 të draftit ku është rënë dakord që kutitë të mos hapen në vendin e numërimit të votave, por vetëm për disa shkaqe të listuara në KQZ gjatë procesit të ankimimit.

GJIKNURI: PD PO VE NE RREZIK TRANSPARENCEN
Në një prononcim për median menjëherë pas mbledhjes Damian Gjiknuri akuzoi mazhorancën se po tërhiqet nga një marrëveshje e arritur një muaj më parë dhe i bën thirrje të reflektojë.
“Shumica kundërshton një tekst për të cilin ka një muaj që është rëndë dakort që kutitë të mos hapen në vendin e numërimit të votave. Ata në mënyrë të papritur e mohojnë këtë se nuk është teksti që nuk kemi rënë dakort.  Teksti është pikërisht ai që i negociuar dhe ai që është rënë dakord. Pika 6 e nenit thotë: "kutitë e materialeve hapen në KQZ gjatë shqyrtimit të ankimimit, kur ka mospërputhje me fletët e votimit, kur nuk është përdorur teknologjia në qendra, raste klasike të ankimit, kishim rënë dakord, kemi komunikimet e ekspertëve, teksti ka mbi 1 javë që është në duart e komisionit të reformës dhe sot krejt papritur PD nuk bie dakord. PD të reflektojë, tërheqja vë në rrezik transparencën”- deklaroi Gjiknuri nga selia rozë

PD: ZVARRITET PROCESI
Ndërkaq PD, pretendon të kundërtën. Bashkëkryetari demorkat Oert Bylykbashi deklaroi pas mbeldhjes së komisionit se “nuk ka tërheqje nga konsensusi. “Mendojmë se qëndrimi i PS për hapjen e materialeve zgjedhore ne Vendet e Numërimit të Votave nuk është i drejtë, pasi kjo procedurë duhet kryer në KQZ, pasi vetëm kështu nuk zvarritet procesi zgjedhor”-deklaroi Bylykbashi. Deri tani në komisionin e Reformës Zgjedhore janë votuar 30 nene në kapitullin e numërimit të votave.
(jd/shqiptarja.com)

TAG:
• kqz