POP 5

Lajmet më të lexuara të 5 minutave të fundit

Politikë

Reforma Zgjedhore, përcaktohen
ekspertët për pesë partitë politike

Në komisionin e Reformës Zgjedhore që u mblodh sot për herë të parë, janë përcaktuar edhe ekspertët që do të diskututojnë anën teknike të reformës.  VIDEO
Reforma Zgjedhore, përcaktohen<br />ekspertët për pesë partitë politike
Komisioni i Reformës Zgjedhore ka miratuar unanimisht përbërjen e ekspertëve të partive politike  të cilët  do të  sjellin pranë  kësaj trupe propozimet teknike për kodin e ri zgjedhor, të fokusuar tek rekomandimet e  OSBE ODIHR për zgjedhjet e 2013 dhe 2015.

Komisioni vendosi që PS dhe PD të kenë nga dy ekspertë ndërsa PDIU, PR dhe LSI nga një ekspert.

"Jeni dakort, kush është dakort të ngre dorën me këtë format dhe nominimin e emrave që ne bëmë” tha Bashkim Fino.

Të gjitha palët janë dakort për finalizimin e një kodi që reflekton dhe përmirëson gabimet  e së shkuarës, ndërsa u vendos që në mbledhjen e radhës të vijë në seancë trupa  e KQZ për të shpalosur propozimet për  administrimin e procesit zgjedhore.

“Kemi një kod zgjedhor, ne duam ti përmirësojmë këto rregulla loje të cilat në funksion të vërejtjeve zgjedhore të sjella nga OSBE në 2013 dhe 2015 jemi të hapur ti hyjmë nje diskutimi për përmirësimin e tyre” ka thënë Fino.

Ndërkohë, Oerd Bylykbashi tha se, “Po hasen përsëri problem të rënda me listat e zgjedhësve. Një rol inaktiv të policisë së Shtetit për të goditur kriminalitetin në procesin zgjedhor. Kemi probleme të cilat do të na çojnë të shkojmë edhe përtej Kodit Zgjedhor, siç janë ndryshimet që ne duhet të bëjmë për të kriminalizuar korrupsionin zgjedhor apo edhe financimet e paligjshme” ka thënë ai.

Partitë e vogla ndajnë mendimin se problemet në administrimin  e proceseve zgjedhore vijnë për shkak të dakortësive të dy partive të mëdha.

“Një nga problemet më thelbësore që mbetet për tu përmirësuar është administrimi i procesit zgjedhor pasi ajo ka qenë pjesa më e madhe e debatit” ka thënë Petrit Vasili.

Ndërkohë, kreu i PDIU Shpëtim Idrizi ka thënë se, ‘Problematikë e madhe ka qenë gjithmonë se dy partitë e mëdha kanë rënë në një dakordësi”.

Sakaq, kreu i PR, Fatmir Mehdiu tha se, “Nuk është se manipulohet procesi për shkak të problemeve teknike, por për shkak të dëshirës për shtrembërime politike” tha ai.

PS përcaktoi  si ekspertë Elion Semanaj dhe Gledian Llatja, PD përcaktoi Ivi Kaso dhe  Dorian Gjomarkaj, PDIU  Erion Manohasën, PR Arian Madhin dhe LSI Bledar Abdullahun.


(m.b/shqiptarja.com)
 

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

5 vjet nga tërmeti shkatërrimtar i 26 nëntorit me 51 viktima, Braçe: Nuk kisha parë aq shumë jetë të humbura në një agim

5 vjet nga tërmeti shkatërrimtar i 26 nëntorit me 51 viktima, Braçe: Nuk kisha parë aq shumë jetë të humbura në një agim

26 Nëntor, 09:26