Kryeministri Rama ka vijuar 'debatin' në distancë me kreun e opozitës, Lulzim Basha, për sa u përket hapjes së negociatave. Mëngjesin e sotëm kryeministri ka zgjedhur që të citojë Presidenti i Komisionit Europian, Jean Claude Juncker për t'iu përgjigjur akuzave të Bashës.
Sipas Bashës Vendimi për të mos hapur Negociatat është dështimi i qeverisë Shqiptare, ndërsa sipas Juncker në të vërtetë ka ndodhur krejt e kundërta.
Juncker shprehet se "Refuzimi i Shqipërisë dhe Maqedonisë së Veriut është një gabim historik. Nëse duam të respektohemi, duhet të mbajmë premtimin".
Kryeministri Edi Rama ka replikuar sërish me kryedemokratin Bashën dhe kësaj here me citimin nga DASH.
"Jemi të zhgënjyer që Këshilli Europian nuk njohu përpjekjet shumë të forta për reforma të secilit vend me anë të një vendimi për të hapur negociatat për anëtarësim në këtë kohë. Një vendim pozitiv do të kishte riafirmuar besueshmërinë e rrugës së tyre për në BE dhe do t’i ishte kundërvënë vendosmërisht aktorëve të huaj dashakeqës, të cilët kërkojnë të minojnë vlerat perëndimore dhe komunitetin euro-atlantik. Ne njohim faktin që Këshilli Europian nuk i tha “jo” as Shqipërisë dhe as Maqedonisë së Veriut, dhe as nuk përcaktoi kushte të reja për hapjen e negociatave për anëtarësim”, thuhet në citimin e Ramës bashkangjitur së cilit ka postuar deklaratën e Bashës. "Shumica e vendeve ishin të një mendje te qeveria e Shqipërisë nuk e meritonte hapjen e negociatave. Për këtë u artikuluan disa kushte që në thelb tregojnë se qeveria ka bërë hapa pas nga viti në vit….qeveria jonë është refuzuar nga vendet europiane”.
Citimi i presidentes së KE-së, Ursula von der Leyen është risjellë në vëmendje nga kryeministri Edi Rama, në kundërpërgjigje të deklaratave së kredemokratit Lulzim Basha për mos hapjen e negociatave.
"Ndjej keqardhje të thellë për këtë vendim, sepse besoj se këto vende kanë bërë përpjekje të konsiderueshme, për t'u afruar në BE dhe kjo është arsyeja pse është shumë e rëndësishme t'u jepet atyre sinjali i tyre", thuhet në citimin e kryeministrit Rama.
Debati mes kryeministrit Rama dhe kreut të opozitës, Lulzim Basha ka vijuar edhe ditën e sotme. Vetëm pak kohë pasi Rama 'thumboi' Bashën me deklaratën e Zoran Zaev ku thuhej se ai edhe kur ishte në opozitë nuk bëri veprime kundër hapjes së negociatave, ka ardhur edhe një reagim nga Basha.
Kreu i Opozitës, i është përgjigjur Ramës me 4 thënie të kancelares Gjermane, Angela Merkel, Presidentit Francez Emmanuel Macron , kryeministrin holandez, Mark Rutte si dhe ministres së Punëve të Jashtme Tyttie Tuppurainen.
Sipas Bashës, Rama po bën lojëra për tu fshehur pas propagandës. Ndër të tjera Basha shkruan se Rama dështoi të na afrojë me Evropën.
Reagimi i plotë i Bashës:
Megjithë lojërat e Ramës për tu fshehur pas propagandës, të gjithë e shohin me sy të vërtetën. Ai dështoi të na afrojë me Europën, siç dështoi të përmirësojë ekonominë dhe të luftojë korrupsionin. Shqipëria e meriton hapjen e negociatave. Shqiptarët meritojnë më të mirën. Për fat të keq ka një njeri që e pengon këtë rrugë. Europa e refuzoi, tani është koha ta refuzojnë shqiptarët.
Vendimi i BE për të mos hapur negociatat me Shqipërinë dhe Maqedoninë e Veriut, ka futur në një kurs të ri përplasjesh kreun e PD-së, Lulzim Basha dhe kryeministrin Edi Rama.
Replikat mes njëri-tjetrin janë bërë përmes deklaratave të ndryshime të kryetarëve të shteteve anëtare të BE-së, si dhe të kryeministrit ende në detyrë të Maqedonisë, Zoran Zaev.
Një ditë më parë Basha, citoi Zaevin me deklaratë për zgjedhje të parakohshme në Maqedoninë e Veriut, duke kërkuar të njëjtën gjë edhe në vendin tonë.
“Organizimi i zgjedhjeve të drejta të parakohshme, zgjedhje, ku ju, qytetarët, do të sillni vendim dhe vërtet për rrugën në të cilën do të vazhdojë vendi ynë", citoi Basha Zaev-in.
Por, nuk ka mundur as replika e Kryeministrit Rama, i cili po përmes deklaratave të Zaevit i ka kthyer përgjigje Bashës, duke e akuzuar këtë të fundit se ka folur kundër vendit të tij në takime më të huajt.
“Unë si Zoran Zaev nuk isha në opozitë para 100 vitesh, por para 21 muajsh dhe kur ishim në opozitës asnjëherë nuk lejuam që të japim përshtypje para institucioneve europiane se jemi kundër fillimit të bisedimeve të vendit tonë me BE-në.”-citimi i Zaevit nga Kryeministri Rama.
Ndërsa, Rama ka postuar edhe një citim të kreut të PD-së, ku thotë se nuk ka dhe nuk mund të ketë Shqipëri Europiane.
“Nuk ka, dhe nuk mund të ketë Shqipëri Europiane! Këtë e kemi thënë prej fillimit ne demokratët, ne opozitarët. Këtë sot e ka thënë me një gjuhë të qartë edhe Brukseli.”,-citimi i Bashësh i postuar nga Rama.
Postimi i Ramëes
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit
25 Nëntor, 18:03 -
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20
Pinoku i vogjël,gjithmonë imiton piktorin në mënyrën më të keqe.Kokëbosh dhe kokëpadëgjuar!hahahi...
Përgjigju