Regjistri unik i adresave nën administrimin e Ministrisë së Brendshme, çdo ndërtesë do të ketë dhe kod unik postar

Mbledhja e sotme e Këshillit të Ministrave miratoi disa ndryshime të reja sa i përket ligjit të adresave. Ministri Balla bëri me dije për mediat se do të ketë një regjistër të ri të adresave në Republikën e Shqipërisë që do të menaxhohet nga ministria e Brendshme. Gjithashtu ai ftoi Kuvendin ta miratojë sa më shpejt ligjin e ri për adresat.

'Një prej vendimeve të Këshillit të Ministrave ka të bëjë me disa ndryshime të rëndësishme në ligjin për sistemin e adresave në Republikën e Shqipërisë. Bëhet fjalë për krijimin të një regjistri unik të adresave në Republikën e Shqipërisë. Pas miratimit të këtij ligji dhe akteve të tjera nënligjore që do të shoqërojnë këtë paketë do të kemi një regjistër unik tek i cili do të referohen të gjitha institucionet. Nëse deri tani kemi patur regjistra adresash nga institucione të ndryshme, një tek kadastra, një tek bashkia, një tjetër tek OSHEE. Sot do të kemi një regjistër unik në patronalitetin e Ministrisë së Brendshme.' tha Balla.

Çdo banesë apo godinë do të ketë kodin e vetë unik e cila do ti jap zgjidhje shumë problemeve në shërbimin e qytetarëve.

'Dhe po ashtu çdo banesë çdo biznes çdo ndërtesë në Republikën e Shqipërisë do të ketë një kod unik i pareplikueshëm në ministri të ndryshme. Pra në të gjitha ndërtesat në Republikën e Shqipërisë do të kenë kodin e tyre unik. Dhe kjo na mundëson ti japim zgjidhje përfundimtare të gjitha problematikave së pari pari me ofrimin e shërbimeve të duhura tek qytetarët. E dyta ka të bëjë me lehtësimin e mbërritjes në adresë jo vetëm të shërbimit postar por edhe për sa i përket turistëve.', shtoi ai.

Gjithashtu ky regjisëtr unik do të lehtësojë edhe turistët që shpesh kanë probleme në gjetjen e hotelit apo apartamentit BNB.

'Një prej problematikave që kanë ngritur turistët që kanë vizituar Shqipërinë, përmes këtij kodi unik të banesës, të hotelit, të një apartamenti që jepet me BNB të jetë lehtësisht i arritshëm dhe do të ftoja në fakt të gjithë qytetarët ta frekuentojnë që tani, adresa.mb.gov.al. është një mundësi e duhur për çdo qytetar që ka një problematikë për të gjetur një adresë të caktuar në të gjithë territorin e RSH.', u shpreh ministri.

Sipas ministrit synohet që Shqipëria të jetë kampione në Ballkan sa i përket një sistemi modern adresash, për të cilin po punohet me Google dhe kompani të tjera ndërkombëtare.

'Dhe mendoj që kjo mundësi do të përmirësohet edhe me rregullimet që e ftoj Kuvendin ti miratojë sa më shpejt, që të na japë mundësinë të vijojmë ta përmirësojmë këtë sistem. Edhe në këtë sistem ta bëjmë Shqipërinë kampione të ballkanit sa i përket një sistemi modern adresash. Çdo familje shqiptare do ta ketë apartamenti, banesën e vet me një adresë në kod unik, i cili të drejton menjëherë sapo i dërgon kodin. Ne do të punojmë fillimisht me Google dhe pastaj me të gjitha kompanitë e tjera botërore për të aksesuar menjëherë kodin unik.', përfundoi Balla.

Do të jetë funksionale dhe adresa adresari.mb.gov.al ku do të mund të identifikohen adresat. 

G.K/S.G/Shqiptarja.com

TAG:
• regjister adresave
• taulant balla