POP 5

Lajmet më të lexuara të 5 minutave të fundit

Sociale

Regjistrimet në Universitetin e Korçës, braktiset mësuesia, studentët zgjedhin sportin, infermierinë dhe informatikën

Universiteti “Fan Noli” i Korçës ka plotësuar 50 për qind të kuotave ndërsa regjistrimet për vitet e para do të vazhdojnë deri më 13 shtator. Rektori konfirmon se degët e preferuara janë infermieria, inxhinieria kompjuterike dhe sportet. Njësoj si vitet e shkuara, interesi është tejet i ulët për degët e mësuesisë.

 Në Universitetin e Korçës deri më këtë fazë janë plotësuar mbi 50% e kuotave. Degët e sporteve janë plotësuar, ndërsa regjistrime të larta ka dhe në infermieri.

“Mbi 50% e kuotave, janë plotësuar në Universitetin e Korçës deri në këtë fazë të regjistrimeve. “Ka regjistrime në të gjitha degët. Kemi një numër pak më të lartë se vitin e kaluar. Ka një shtim, por edhe shpërndarje nëpër gjitha degët” tha Rektori i Universitetit të Korçës, Lorenc Ekonomi.

Rektor i Universitetit të Korçës tha për Report t se degët më të preferuara janë ato të sporteve tashmë të plotësuara, infermieria, teknologjia e informacionit dhe dega e re e hapur këtë vit për herë të parë, ajo e inxhinierisë kompjuterike.

“Këto studentë që vijnë të parët janë me mesatare shumë të lartë. Që ditën e parë janë plotësuar sportet, infermieria është goxha mirë. Kemi rritje në teknologji-informacioni, inxhinieri kompjuterike degë e hapur këtë vit. Financa. Kudo ka interes. Për herë të parë hapet dega e inxhinerisë kompjuterike. Është degë e përbashkët me Politeknikun ne Tirane dhe kemi prurje goxha të mira”, u shpreh Ekonomi.

Më pak të preferuara janë degët e mësuesisë si Matematikë, Fizike, Gjuhë-Letërsi shqipe dhe gjuhë pakicash. Po kështu interes i ulët paraqitet dhe për Ekonomiksin.  

Viti i ri Akademik do të nisë më 7 Tetor, ndërkohë që regjistrimet për vitet e para do të zgjasin deri më 13 Shtator.

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Pasdite në kopshtin e shtëpisë', 'Servili i Grave' dhe 'Hana, vajza që kapi diellin', tre librat e rinj në rubrikën 'Në librari'

'Pasdite në kopshtin e shtëpisë', 'Servili i Grave' dhe 'Hana, vajza që kapi diellin', tre librat e rinj në rubrikën 'Në librari'

24 Nëntor, 10:50 nga Blerina Goce