POP 5

Lajmet më të lexuara të 5 minutave të fundit

Kronikë

Regjistrimi i pronësisë së makinës, afati deri më 28 shkurt, përndryshe gjobë

Drejtoria e Transportit Rrugor po përballet me fluks aplikimesh nga qytetarë që duan të bëjnë regjistrimin e ndryshimit të pronësisë së mjetit. Kjo pasi qytetarët që kanë blerë një makinë por nuk e kanë regjistruar në emrin e tyre, kanë afat deri më 28 shkurt për ta regjistruar ndryshe do të përballen me gjoba. Në vetëm 2 javë numri i personave që kanë aplikuar për këtë ndryshim arrin në mbi 5 mijë.

Pas thirrjes së Drejtorisë së Transportit Rrugor për qytetarët që të regjistrojnë ndryshimin e pronësisë së mjetit që kanë blerë pasi në të kundërt do të gjobiten edhe reagimi ka qenë i menjëhershëm. Sipas të dhënave të siguruara nga Report TV, pranë këtij institucioni rezulton se që nga data 15 janar 2020 kur u hap edhe mundësia për aplikim online për regjistrim e deri më datë 2 shkurt kanë aplikuar gjithsej është 5.672 persona. Kjo është një nga risitë e vitit 2020, që synon regjistrimin e të gjithë mjeteve në pronësi të përdoruesit, që edhe e ka blerë.

Po ashtu i është dhënë mundësia të çregjistrojnë nga emri i tyre makinën shitësve. Kjo si një masë që i mbron ata nga abuzimet që mund të bëjë përdoruesi i mjetit. Për çregjistrimin e pronësisë aktualisht kanë aplikuar vetëm 135 persona edhe pse rreziku që iu kanoset nëse blerësi nuk regjistron pronësinë është i lartë. Shitësi rrezikon të ngarkohet me gjoba nëse blerësi nuk paguan detyrimet pasi makina figuron ende në emrin e shitësit.

Nga ana tjetër DPSHTRR ende nuk ka një informacion se sa është numri i këtyre mjeteve që janë shitur por nuk janë regjistruar në pronësinë e përdoruesit. Kjo pasi shitblerja e mjetit behet dhe ne prezence te notereve për te cilët DPSHTRR nuk ka informacion.

Ndërkohë dhe vetëm pak ditë iu kanë mbetur të gjithë qytetarëve për të bërë ndryshimin e regjistrimit të pronësisë, pasi më 28 shkurt mbyllen aplikimet dhe më pas fillon implementimi i gjobave. Duke filluar nga 1 marsi të gjithë ata qytetarë që nuk regjistrojnë mjetin brenda 10 ditësh nga blerja do të përballen me gjoba nga 10-40 mijë lekë.

 

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 16- vjeçarja vetplagoset me armë zjarri, ende nuk dihet shkaku

Fier/ 16- vjeçarja vetplagoset me armë zjarri, ende nuk dihet shkaku

4 Nëntor, 18:59