Operator i Shpërndarjes së Energjisë Elektrike është duke kryer disa investime të rëndësishme, sidomos në zonën e Himarës, Dhermiut, Rradhimës dhe Ujit të Ftohtë në Vlorë.

Për shkak të këtyre punimeve OSHE ka qënë e detyruar të stakojë energjinë elektike gjatë javës, sakaq është dakortësuar  me firmën private për t’i kryer punimet gjatë orëve të para të mëngjesit (03.00 – 10.00) në datat 27-30 qershor.

Më 1 korrik, punimet do të ndërpriten për të rifilluar pas sezonit turistik në shtator.

OSHE gjithashtu u rikujton sërish bizneseve që të marrin masa për kryerjen e proceseve të mirëmbajtjes së linjave të furnizmit me energji elektrike nga “pika e lidhjes” deri në objektin e tyre, sikurse e përcakton rregullorja e miratuar nga ERE.


Redaksia Online 
(xh.k/shqiptarja.com)