POP 5

Lajmet më të lexuara të 5 minutave të fundit

Politikë

Renditja e partive në fletëvotim
KQZ miraton shortin me 4 vota

Komisioni Qëndror i Zgjedhjeve miratoi, procedurat për hedhjen e shortit për renditjen e partive në fletën e votimit sipas një akti të thjeshtë që kërkonte vetëm katër vota dhe jo sipas një akti normativ që kërkonte 5 vota.
PS, Çuçi: Makina e numërimit të votave dështoi, numëron dy herë më pak se njeriu
KQZ kthen SEN: ka mangësi dhe nuk është i shpejtë
TIRANË – Komisioni Qëndror i Zgjedhjeve miratoi sot pasdite me vetëm 4 vota, procedurat për hedhjen e shortit për renditjen e partive në fletën e votimit. Anëtarët e komisionit vlerësuan se për këtë procedurë duhej vetëm një akt i thjeshtë, që miratohej me 4 vota pasi bëhej fjalë vetëm për këto zgjedhje. Vendimi u kundërshtua nga përfaqësuesi i PS-së, Genc Gjonçaj, që tha se rregullat e shortit duhej të mbështeteshin mbi një akt normativ që kërkonte 5 vota.

Përfaqësuesi ligjor i PS-së, Genc Gjonçaj, ka kërkuar që shorti të hidhet sipas rregullave të Kodit, pra, mbi një akt normativ. Dhe ky vendim nuk merret me katër vota e aq thjesht. Por Gjonçaj është kundërshtuar nga përfaqësuesi i PD-së, Njazi Kosovrasti që tha se nuk ka pse kapeni pas një fjale si "akt normativ". "Akti vlerësohet, tha Kosovrasti, nuk prodhohet.

"Akti i thjeshtë votohet me 4 vota dhe ky rast është i thjeshtë, tha nga  e saj komisionierja Vera Shtjefna, duke mbështetur Kosovrastin dhe kundërshtuar Gjonçaj. Përcaktimet e aktit të thjeshtë i jep vetë Kodi Zgjedhor dhe ky është një rast tipik me natyrë individuale, pra jo normativ për hedhjen e shortit për renditjen e subjekteve në fletë", - tha ajo.

ÇFARE PARASHIKON KODI ZGJEDHOR DHE A KA KRYER SHKELJE, KQZ?

Pika 5 e nenit 98 të Kodit Zgjedhor thotë se “Rregullat për hedhjen e shortit përcaktohen me akt normative të Komisionit Qëndror” ndrsa neni 24, ai për vendimarrjen në KQZ, përcakton qartë se “aktet me karakter normativ dhe që kanë për qëllim rregullimin e çështjeve që lidhen me zgjedhjet, konsiderohen të miratuara kur votojnë “pro” jo me pak se 5 anëtarë të KQZ-së.

Në këto kushte, rezulton se institucioni i vetëm i administrimit të zgjedhjeve në vend KQZ, sapo ka kryer shkeljen e parë ligjore pas krizës që e kaploi pas shkarkimit të anëtarit të propozuar nga LSI dhe dy dorëheqjeve të tjera nga radhët e të propozuarve të PS-së.

NIS HEDHJA E SHORTIT PER RENDITJEN E PARTIVE NE FLETEN E VOTIMIT

Partia Lidhja për Drejtësi dhe Progres është renditur e para
Partia Popullore Kristian Demokrate është renditur e dyta
Koalicioni Aleanca për Shqipërinë Evropiane është renditur e treta
Koalicioni 'Aleanca për Punësim, Mirëqenie dhe Integrim' e katërta
AK e pesta dhe FRD e gjashtë në renditjen e votimit.

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03