TIRANË - Rikthehen me arrestime efektivët e repartit special të policisë së Tiranës, “Shqiponja”.

Një 23-vjeçar është arrestuar mbrëmjen e djeshme me armë pa leje. 

Sali Hoxha është ndaluar në një postobllok policie, ku është kapur me një pistoletë, e cila pas ekzaminimit rezultoi armë manovre. 

Por nuk janë ndaluar me kaq efektivët e Shqiponjave dhe i kanë kryer kontroll në banesë Hoxhës. 

Gjatë kontrollit në shtëpinë e tij është gjetur edhe një armë automatike tip Kallashnikov që ka mjaftuar për ta arrestuar dhe siguruar në ambientet e izolimit me akuzën e armëmbajtjes pa leje.

Redaksia online
(ac/shqiptarja.com)