POP 5

Lajmet më të lexuara të 5 minutave të fundit

Kronikë

Report Tv në aksin Korçë-Ersekë, pamjet e shembjes masive! Plasaritje në gjithë aksin dhe muret mbrojtëse, rrezikohet rrëshqitja e dherave

Katër ditë pas shembjes masive të rrugës së re, Korçë-Ersekë nuk ka asnjë reagim Autoriteti Rrugor Shqiptar dhe as kompania A.N.K. që ka fituar 3 tendera me vlere mbi 66 milionë euro për të ndërtuar 35 kilometra rruge. Ajo duhet të përfundonte në qershor por u shemb pa u inaguruar.

Këtë të martë eskavatorët e kompanisë “A.N.K. janë rikthyer në kantierin e rrugës së shembur për të pastruar dherat, edhe pse ndaj saj ka një denoncim në SPAK nga avokati Esmerald Xhafa. Inxhinierët e Autoritetit Rrugor Shqiptar kryen gjithashtu inspektim në rrugën “Korce-Erseke”, por nuk u prononcuan për mediat.

Report Tv sjell pamjet nga shembja masive e rrugës që pritej të inagurohej në qershor. Dyshohet se shkak për shembjen masive janë bërë punimet pa cilësi të kompanisë ANK. Skandali bëhet ende më i madh ku e gjithë struktura e kësaj rruge ka pësuar plasaritje. Në pamjet që sjell Report Tv, dallohet që në hyrje të aksit Korçë-Ersekë ka plasaritje të mureve mbajtëse.

Avokati Esmerald Xhafa, ka ngritur një kallëzim penal në SPAK ndaj ARRSH, Bashkinë e Kolonjës si dhe kompanive A.N.K dhe A&E ENGINEERING për "Shpërdorim detyre", "Falsifikim i dokumenteve" dhe "Korrupsioni i personave që ushtrojnë funksione publike". Xhafa ka bashkangjitur dhe pamje filmike ku fakton punimet me cilësi të dobët dhe ndërtimin i cili është bërë ndryshe nga projekti.

Ndërtimi i rrugës së re Korçë-Erseke që do të shmangte kthesat e Qafës së Qarrit, ka nisur në vitin 2013. Tenderin me vlerë 17 milione euro për lotin e parë e kishte fituar ANK. 4 milione te tjera u shtuan në 2017 për këtë segment. Ndërsa në 2020 nisi puna për lotin e dytë me gjatësi 18 kilometra, ku po punohet aktualisht. Në dy tendera të ndryshëm u dhanë 41 milionë euro dhe serish fituese u shpall ANK-ja. Ndersa ne vitin 2022 me kërkesë të kompanisë, ARRSH-ja shtoi dhe 4 milionë euro te tjera përmes procedurës së modifikimit të kontratës. Për këtë rrugë interurbane me dy korsi, ne total 35 km jane dhënë 66 milionë euro dhe nuk dihet se kur do të perfundojë.

Pronari i kompanisë A.N.K rezulton me 100 % të aksioneve Agim Kola, vëllai i ish-deputetit të PS, Ndue Kola, i cili ka përfituar tenderin për ndërtimin e rrugës Korçë-Ersekë. Ndërkohë kompania A&E ENGINEERING, është në pronësi të Entela Çanos, me 100% të aksioneve, kompania e së cilës do të bënte mbikqyrjen e punimeve.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 21/02/2024 01:09

    Av.Xhafa e ka marre me yrysh si mushkat ne te tatepjete! Zoteria eshte mire te mos ngateroje cilesine e punimeve dhe devijimin e projektit me problemet e tjera te rruges.Konkretisht perpara se te shkonte ne SPAK, duhet te merrte nje raport te detajuar nga gjeologet dhe hidrologet per gjendjen e zones.Shikon plasaritje ne asfalt,sigurisht qe do te kete,jo nga cilesia e punimeve,as nga konsumimi i rruges (sepse akoma nuk eshte perdorur),por sepse po rreshqet toka nen te,shikon rreshqitje nga siper ne zonen me trekendesha ne sec.0.17 te videos.Edhe per kete rreshqitje punimet e dobeta te firmes do te jene fajtore,apo mungesa e rrjetave metalike dhe e pemeve?! E gjithe zona perreth eshte e shkretuar pa peme,shkurre e bimesi,si zone e perdorur nga minierat.Po te shikoni dhe kodrinen e zhveshur afer zones se shembjes ne te majte te videos me ravinen ne vazhdim poshte saj ne 0.07-0.14 dhe ne fund aty nga min e nente kur i bien rrezet e diellit dhe te shikoni vragat,degezimet qe behen me te qarta nga drite-hijet e shkaktuara nga dielli mund t'a kuptosh qe zona eshte e prirur drejt rreshqitjeve dhe duket qarte drejtimi i tyre.Tani nese z.avokat do te beje rolin e prokurorit sic duhet dhe jo te niset nga pasioni i castit duhet te hetoje nese ka nje raport nga gjeologet per zonen dhe nese firma e ka marre parasysh dhe te njejten gje t'a kerkoje dhe nga hidrologet e meterologet.Sepse nje zone me perberjen minerale te duhur,qe thith shume dhe mban lageshti,qe depertohet nga burime ujore te nendheshme qe i kthejne dherat ne nje /supe/ te lengezuar,apo ne nje /kustarde/ me kore siper e te bute brenda ka prirje te shembet,apo dhe kur rrihet pa meshire nga agjentet atmosferike,p.sh sa dite me shi,bore e ngrica kalon zona,sa kohe zgjasin e mbajne,fuqia e tyre,etj dhe keto ndikojne ne shembje rruge.A jane marre parasysh keto ne projekt? Nese projekti eshte bere pa marre parasysh raporte te tilla,atehere kjo duhet te jete akuza e pare per firmen,te tjerat vijne vete pastaj.

    Përgjigju
    • Andee: 27/02/2024 08:28

      Zonja Iris, zonja Entela Çano me sakte, nuk shtyhet me vjedhje e fallsifikime perhera. Amerika te ka lene me vule sado qe leshte i leve bjonde, ne kerkim je akoma per vjedhje. mund tua sugjerojme gazetareve dhe foton tuaj te lemeritur. Nuk te fal zoti me hakun e popullit.

  • 136: 20/02/2024 16:18

    Jepini lugeter jepini , merni ce tgjeni e tallni topet me popullin e pa dhe me faj

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kapet një sasi e madhe e armëve të ftohta në Prishtinë

Kapet një sasi e madhe e armëve të ftohta në Prishtinë

23 Dhjetor, 09:44