POP 5

Lajmet më të lexuara të 5 minutave të fundit

Kronikë

REPORT TV në Dajç, gjithçka nën ujë, KESH jep 10 mln lekë për përmbytjet

REPORT TV sot ishte në Dajç për të ndjekur nga afër situatën e përmbytjeve nga shkarkimet dhe reshjet e ditëve të fundit.

SHKODER-REPORT TV sot ishte në Dajç për të ndjekur nga afër situatën e përmbytjeve nga shkarkimet dhe reshjet e ditëve të fundit. Administratori i njësisë së Dajçit Gjovalin Darragjati thotë se situata është agravuar, teksa në disa fshatra nuk kalohet as me mjetet e ushtrisë.

“Situata duket më e agravuar, është rritur niveli i ujit, kemi probleme në shkolla, uji ka depërtuar në klasa. Baza ushqimore është e limituar, kemi kërkuar ndihmë nga Emergjencat, po presim mbështetje. 6 fshatra janë pa energji elektrike. Në disa fshatra nuk mund të lëvizet as me mjetet e ushtrisë” tha ai.

Bashkia Shkodër në 20 ditët e fundit që disa zona të qarkut janë përmbytur ka bërë fajtorë kryesorë shkarkimet nga HEC-et. Por sot, KESH ka vendosur që t’i japë Ministrisë së Mbrojtjes 10 milionë lekë të reja si kontribut për përballimin e situatës, ndërsa thekson se vijon të ndjekë në dinamike parametrat hidroenergjetikë. Institucionet kanë mohuar shkarkimet, ndërsa kanë theksuar se përmbytjet kanë ardhur nga reshjet.

“Korporata Elektroenergjitike Shqiptare solidarizohet me operacionet e gjithanshme të strukturave shtetërore që po menaxhojnë vështirësitë e krijuara në zonën veriore të vendit nga reshjet e dendura dhe të tejzgjatura të muajit Mars 2018. Organet drejtuese të Korporatës i kanë akorduar Ministrisë së Mbrojtjes një fond prej 10 milion Lek të reja si kontribut për përballimin e nevojave jetësore të familjeve të shpërngulura.

Korporata, ndërkohë që vijon të ndjekë në dinamikë ecurinë e parametrave hidroenergjetikë në kaskadë dhe të operojë veprat energjtike brenda përgjegjësisë së saj ligjore dhe përcaktimeve rregullatore, po bashkërendon informacionin në kohë reale me të gjitha strukturat e pushtetit qëndror dhe lokal dhe Emergjencat Civile” njofton KESH.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ Mbyllja e TikTok, 81% e shqiptarëve pro vendimit të qeverisë

Sondazhi/ Mbyllja e TikTok, 81% e shqiptarëve pro vendimit të qeverisë

25 Dhjetor, 21:08