POP 5

Lajmet më të lexuara të 5 minutave të fundit

Sociale

Report Tv në familjen Ujka për Pashkët Katolike: Në Shkodër i kemi festuar edhe në komunizëm, miqtë myslimanë na jepnin racionin e vezëve

Familjet katolike në Shkodër i kanë festuar Pashkët edhe gjatë regjimit komunist. Paulin Ujka rrëfen në Report TV se besimi ka qenë trashëgimi e familjes. Ai tregon se miqtë dhe fqinjët myslimanë ua dhuronin katolikëve racionin e vezëve të tyre që simbolika e festës të mos shuhej.

Në familjen Ujka në Shkodër festa e pashkës, është një nga ato ditët e veçanta, jo vetëm për shkak të besimit por edhe një trashëgimie familjare për besimin ndaj zotit. Paulin Ujka, si kryefamiljari i shtëpisë është një nga besimtarët besnik që ndjek me përpikmëri ritet e besimit festar dhe përkatësisë së tij. Familja Ujka ashtu si të gjithë besimtarët gjatë javës ka kryer përgatitjet e fundit për të pritur kohën e ardhjes që është edhe java e madhe e pashkëve.

Me Paulinin është e pashmangshme që të mos takohesh edhe para katedrales së Shkodrës, aty ku ai ka një lidhje jo vetëm shpirtërore por edhe fizike si vullnetarët në të gjitha shërbesat fetare.

“Festa e Pashkëve katolike është baza e besimit Kristian sepse ringjallja e Krishtit është besimi jonë. Ne e përkujtojmë sepse për çdo vit ne tentojmë që të ripërtërijmë veten që të pastrojmë nga gabimet”, tregon Paulini.

Për shkak edhe të moshës, Paulini kujton vështirësitë e besimit gjatë regjimit komunist kur gjithçka ishte e ndaluar, ndërkohë që rrefen edhe harmoninë me besimet e tjera fetare.

“Në kohën e diktaturës komuniste, vezët i kishim me racion, jo më shumë se 10 kokrra në muaj. Që të kishim mundësi t’i festonim Pashkët, shokët tanë myslimanë na i ruanin nga racioni i tyre.”

Ai ka një mesazh për të gjithë në këtë ditë të madhe të pashkës, për solidaritet, ndihmë por edhe besimin në zot:

“Për të gjithë, për katolikë e myslimanë, ne jemi një komb, jemi një gjak. Besojmë në atë çka mendojmë. Të jemi të përvuajtur e ta duam njëri-tjetrin”

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12