Report Tv sjell historinë e 67-vjeçarjes në Tiranë, e priti Kurban Bajramin në rrugë e pa ushqim: Mbledh kanaçe për të mbijetuar

Jo të gjithë festuan Kurban Bajramin në Tiranë. Pranë xhamisë “Dine Hoxha”, Vjollca Kaso lutet dhe  zgjat duart. Beson tek kjo festë, e njohur edhe si dita e flijimit për myslimanët. Dikush do të ulet pranë saj për ta bekuar me ushqim. Por përveç disa qindarkave, asgjë më shumë.

“Hajde shikoni në shtëpi asgjë s’ka nëna.”

E braktisur nga të afërmit, varfëria e ka detyruar nga Vlora të jetojë në Tiranë. 67-vjeçarja prej dy vitesh përpiqet përveç ushqimit të paguajë qiranë e shtëpisë, 10 mijë lekë, në Kamëz.

Pensioni nuk i del as për vaktin e darkës, kur kthehet nga një ditë e gjatë duke mbledhur kanaçe dhe shishe plastike.

“Atë reston pastaj qe me ngelet nga pensioni lyp, dal nëna natën që mbledh kanaçe dhe shishe. Jam e lodhur e raskapitur.”

Vjollca do të vazhdojë të dalë në cepa rrugësh edhe pasi ne largohemi. Do të kërkojë ndihmë jo vetëm në këtë ditë feste. Kjo grua e trishtuar e më dhimbje nuk është e vetme në metropol...Ka shumë të tjerë që shtrijnë dorën

SI.E./Shqiptarja.com

TAG:
• Vjollca Kaso
• kurban bajrami