Report Tv te shtëpia e vrasësit 
të komisarit Artan Cuku/FOTO

24-vjeçari Mikel Shallari, i arrestuar si autor i vrasjes së kryepolicit Artan Cuku më 8 Prill 2017, është nga fshati Dikatër rreth 10 km larg Kuçovës.

Report Tv shkoi sot në fshatin Dikatër për të mësuar diçka më shumë për familjen e Shallarit, e cila ishte zhvendosur vite më parë nga Skrapari në Kuçovë.

Banorët refuzojnë të japin informacioni ndërsa familja prej katër anëtarësh e killerit ka jetuar deri para pak muajsh në këtë banesë që shihni në fotot më poshtë.

Mësohet se dy prindërit dhe motra e Mikel Shallarit prej tre muajsh janë zhvendosur në Tiranë.

Fqinjët: Mikeli s'ka qenë person problematik
Jashtë kameras së Report Tv, banorët e fshatit Dikatër, fqinjë me Mikel Shallarin, shprehen se 24-vjeçari nuk ka qenë person problematik në komunitet. 

Sipas tyre, ai ka qenë person i shoqërueshëm, ndërsa theksojnë se familja e tij ka pasur probleme ekonomike. 

[gallery]22651[/gallery]

Shallari, autor i dyshuar i vrasjes së Cukut
Mikel Shallari është i arrestuari si vrasësi i dyshuar i kryepolicit Artan Cuku më 8 Prill 2017, pranë banesës së të ndjerit Cukut në rrugën e kosovarëve në Tiranë.
 
Autorësia e krimit të kryer nga Shallari u bë publike nga drejtori i përgjithshëm i policisë Haki Cako dhe zv.Prokurori i krimeve të rënda Enrik Ligori.
 
Me arrestimin e Shallarit policia bënë me dije se ai është i përfshirë në aktivitetin kriminal të vrasjeve me pagesë, por ende nuk ka pranuar të bashkëpunojë për të treguar porositësit e këtij krimi.
 
I riu nga Kuçova është arrestuar me kërkesë të prokurorisë së krimeve të rënda, ndërsa prova që çoi në zbulimin e tij është profile gjenetik i ADN-s, gjurmë të cilën Mikel Shallari e ka lënë në rrobat që hodhi pak minuta pas vrasjes në një kosh mbeturinash pranë vëndit të krimit.

Redaksia Online
l.q/Shqiptarja.com