POP 5

Lajmet më të lexuara të 5 minutave të fundit

Sociale

Report Tv vëzhgim në Vlorë, Shkodër dhe Lezhë! Plazhet pa roje bregdetare! Kullat e vrojtimit bosh, shërbejnë si 'çadra dielli'

Një ditë pas tragjedisë së Vilë-Bashtovës, Report TV kreu një vëzhgim të gjerë nga Velipoja deri në plazhin e vjetër të Vlorës, ku konstatohet mungesa e rojeve bregdetare. Agjencia Kombëtare e Bregdetit dhe Bashkia, si institucione përgjegjëse sot po ushtronin kontrolle vetën në Tale të Lezhës.

Nga 65 stacione plazhi në Velipojë, vetëm 6 prej tyre kanë roje bregdetare. Kullat e vrojtimit shërbejne si “çadra dielli” ndërkohe që vetë pushuesit shprehen të shqetesuar për mungesen e vrojtusve të plazhit.

“Nuk ka roje bregdetare! Janë të domosdoshëm sidomos për të moshuarit dhe fëmijët”, thanë pushuesit.

Mungesa e rojeve bregdetare, është një problem i përvitshëm në Velipojë, ndërkohë që bashkia e Shkodrës ngre supet! Në rrugë jozyrtare tha se nuk eshte ne kompetence të saj monitorimi i plazheve. Ndërsa Agjensia Kombëtare e Bregdetit per Veriun me qendër në Lezhë nuk ka asnjë përfaqësues në Shkodër!

Mungesa e rojeve bregdetare mbetet problematike edhe në plazhet e Vlorës. Report TV kreu një vëzhgim në Plazhin e Vjetër dhe në plazhin publik pranë Akademisë ku Kullat e Vrojtimit janë të boshatisura, ndësa pushuesit ankohen për këtë shqetësim të përvitshëm.

“Jo deri më tani nuk kemi parë roje. Kishim një rast një grua të sëmurë që e shpëtuan ne nga mbytja”, tha një pushues.

Leneda Beqiraj thotë se bizneset shkelin ligjin pasi nuk punësojnë vezhgues plazhi të licensuar. Bashkia e Vlorës jashtë kameras tha se nga kontrollet në 215 stacione plazhi, 15 prej tyre kanë rezultuar pa vrojtues ndaj eshte vendosur bllokimi i tyre deri në plotësimin e kritereve.

Një ditë pas tragjedisë së Vilë-Bashtovës, kontrolle po ushtrohen vetëm në Tale të Lezhës aty ku Agjencia Kombëtare e Bregdetit dhe Bashkia gjobitën dy subjekte.

“Kemi hasur disa parregullsi dhe kemi vendosur gjoba. Në tërësi hapesira e plazhit mbulohet me vrojtues, por ka dhe raste qe nuk ka si sot qe moren dy masa administrative në Tale”, tha Renaldo Chanaj drejtor i turizmit në bashki.

Plazhet private licencohen nga Agjencia Kombëtare e Bregdetit dhe është pikërisht ky institucion që duhet të monitorojë bizneset për plotësimin e kritereve, ndër to dhe rojet bregdetare.

Çfarë ndodhi në plazhin e Vilë-Bashtovës
Një 50 vjeçar, Elvis Halilaj dhe dy djemtë e tij të mitur 13 dhe 15 vjeç kanë humbur tragjikisht jetën dje (9 korrik 2023) në plazhin e Vilë Bashtovës. Ata vrapuan drejt detit edhe pse rrymat detare ishin të forta, pasi më i vogli ai 13 vjeç po kërkonte ndihmë dhe rrezikonte të mbytej. Ashtu sikurse dëshmojnë pushuesit teksa 13 vjeçari kërkonte ndihmë në det askush nuk e ka parë përveç babai të tij që u sul në det për ta shpëtuar së bashku me djalin e madh dhe të tre nuk dolën më të gjallë nga deti.

*Punuan gazetarët e Report Tv Ergys Kavaja, Elvis Hila dhe Armand Xhelili

1689002433_19.00272606.Still014.jpg

 

Kulla si cadër

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 10/07/2023 23:05

    Une per vete kam vendosur koshin e basketbollit tek ajo qe kam afer cadres or teeeejjjjj

    Përgjigju
  • Era: 10/07/2023 21:37

    Po kush do marre masa per plazhin?Zv.ministrja e turizmit ,Vilma Bello e ka mendjen te beje intriga ne Vlore pavaresisht se Rama e solli ketu ne Tirane .Mesuesja e Gjuhes ne Ministrine e Turizmit.Skandal

    Përgjigju
    • Dhendri i Besnik Bekteshit: 11/07/2023 11:54

      Po edhe ministrja po mesuese eshte dhe e griu ministrine me dietat qe merr pa llogarit sa karburant harxhon ne muaj. Mirelaaaa

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46