Republika Çeke kthehet në izolim, për shkak të shifrave rekord të koronavirusit

Qeveria e Republikës Çeke miratoi një sërë masash që e izolojnë vendin, i cili po përballet me shifra rekorde të rasteve me Covid-19.

Kryeministri Andrej Babis tha në një konferencë për media të mërkurën tha se masat, që do t’i mbyllin të gjitha dyqanet jo të domosdoshme dhe do ta kufizojnë lëvizjen e njerëzve vetëm për qëllime të domosdoshme, si puna, familja apo blerja e ushqimeve, do të zgjasin së paku deri më 3 nëntor.

“Para së gjithash, ne duhet t’i mbrojmë jetët e qytetarëve”, tha Babis, i cili theksoi se masat e reja do të hynë në fuqi në 22 Tetor.

Vendimi  erdhi pasi Çekia njoftoi të mërkurën se në 24 orët e fundit regjistroi 11,984 raste të reja me koronavirus .

Të mërkurën, zëvendëskryeministri çek, Jan Hamacek, njoftoi se ka dalë pozitiv në testin për koronavirus.

Republika Çeke, vend me 10.7 milionë banorë, ka konfirmuar në total mbi 190,000 raste me koronavirus - mbi 120,000 prej tyre vetëm gjatë tri javëve të para të tetorit.

 

TAG:
• republika ceke
• Koronavirus