Emigrantët e paligjshëm, Polonia dhe Republika Çeke forcojnë kontrollet kufitare

Pas Gjermanisë edhe Polonia e Republika Çeke duan gjithashtu të vendosin kontrolle të përkohshme kufitare në kufirin sllovak. Shkak rritja e emigracionit të paligjshëm përmes drejtimit të ri të itinerarit ballkanik.

Republika Çeke dhe Polonia kanë njoftuar kontrolle më të rrepta në kufijtë e tyre me Sllovakinë. Siç është paralajmëruar nga të dyja vendet, kjo duhet të ndalojë flukset e paligjshme të migracionit dhe të vështirësojë punën e kontrabandistëve.

Masa e nevojshme ndaj bandave të kontrabandës

Kontrollet e përforcuara do të nisin nesër për një periudhë fillestare prej dhjetë ditësh. Megjithatë, periudha mund të zgjatet edhe më tepër. "Kjo është një masë e nevojshme për të luftuar efektivisht bandat e kontrabandës dhe imigracionin e paligjshëm”, shkroi ministri i Brendshëm çek Vit Rakusan në platformën X (ish-Tëitter).

Kontrollet do të kryhen në mënyrë të rastësishme përgjatë gjithë kufirit me Sllovakinë. Trafiku ndërkufitar duhet të kufizohet sa më pak të jetë e mundur dhe udhëtarët nuk duhet të ngarkohen pa nevojë.

Migrimi i paligjshëm përgjatë itinerarit ballkanik

Sllovakia po përballet me një numër në rritje të emigrantëve të paligjshëm që hyjnë në vend gjatë rrugës për në Gjermani dhe Evropën Perëndimore. Emigrantët, kryesisht të rinj nga Lindja e Mesme dhe Afganistani, mbërrijnë kryesisht në të ashtuquajturën itinerar ballkanik.

Ministri i Brendshëm polak Mariusz Kaminski tha se kishte informuar homologët e tij në Gjermani, Sllovaki, Austri dhe Republikën Çeke, si dhe Komisionin Evropian, për kontrollet e reja. Javët e fundit, 551 emigrantë të paligjshëm janë zbuluar dhe ndaluar në kufirin me Sllovakinë. Për këtë arsye, Polonia tani po merr masa të vendosura.

Polonia është bërë qendra e një pjese të madhe të migrimit të azilkërkuesve drejt Gjermanisë. Nga njëra anë, rruga ballkanike tani kalon përmes Polonisë. Përveç kësaj, Rusia, së bashku me Bjellorusinë, vazhdon të dërgojë emigrantë në Bashkimin Evropian. Nga ana tjetër, nuk është ende e qartë nëse tregtia e vizave që po diskutohet aktualisht në Poloni mund t'i rrisë më tej shifrat.

Rrugë tranziti përmes Polonisë

Itinerari ballkanik, përgjatë së cilës hyjnë në Gjermani shumica e emigrantëve të parregullt, nuk të çon më nga Turqia përmes Austrisë, por përmes Polonisë në Republikën Federale të Gjermanisë. Sipas informacioneve të ËDR, NDR dhe "Süddeutsche Zeitung", pyetjet e azilkërkuesve nga Zyra Federale për Migracionin dhe Refugjatët (BAMF) tregojnë se sirianët mbërrijnë kryesisht në Poloni përmes Serbisë, Hungarisë dhe Sllovakisë dhe pjesërisht, përmes Republikës Çeke.

Jepen disa arsye për drejtimin e ri të itinerarit ballkanik. Nga njëra anë, kanë ndikuar kontrollet e palëvizshme kufitare, të cilat deri më tani ekzistojnë vetëm ndërmjet Gjermanisë dhe Austrisë.

Një tjetër pengesë për ata që duan të vazhdojnë në Gjermani është se Austria me sa duket i regjistron njerëzit më saktë se më parë. Së fundi, shpjegimi i referohet regjimit kufitar kroat: sipas raportimeve të ndryshme, policia kufitare ka vite që detyron emigrantët me dhunë të kalojnë sërish kufirin nga kanë ardhur. Pra, për shumë nuk ka rrugëdalje përmes rrugës tradicionale ballkanike./DW

M.T/Shqiptarja.com

TAG:
• emigrante te paligjshem
• poloni
• republika ceke