POP 5

Lajmet më të lexuara të 5 minutave të fundit

Kronikë

Reshje bore dhe shiu gjatë natës, ARRSH: Drejtuesit e mjeteve të jenë të kujdesshëm për shkak të lagështisë (VIDEO)

Për shkak të reshjeve të dendura të shiut ka pasur rënie gurësh dhe rënie dherash në disa akse rrugore.

Gjatë natës ka patur reshje bore dhe reshje me intensitet të lartë shiu në veri dhe jug të vendit. 

Reshje bore ka pasur në Qafë Mali-Fierzë, Bajram Curri-Valbonë, pjesët fundore të akseve U. Cerenecit- Steblevë, dhe Kuben-Vasije.

Sipas ARRSH-së, qarkullimi vazhdon normalisht, pa zinxhirë, në të gjithë rajonin e veriut.

Në segmentin Fushë Studë-Steblevë ka rreth 5-7cm dëborë, por nuk ka probleme me qarkullimin.

Për shkak të reshjeve të dendura të shiut ka pasur rënie gurësh dhe rënie dherash në disa akse rrugore.

Berat-Çorovodë, që ka sjellë vështirësi në qarkullim për disa minuta, aktualisht rruga është pastruar dhe qarkullimi kryhet pa probleme.

Drejtuesit e mjeteve duhet të tregohen të kujdesshëm pasi mund të ketë përsëri rënie gurësh për shkak të reshjeve.

Në km e 12-të të aksit Maliq-Lozhanë pati rënie të një masivi dherash dhe pemësh, të cilën kontraktorët e mirëmbajtjes e pastruan dhe tani qarkullimi vazhdon normalisht.

Në aksin Çorovodë-Hambull pati rënie gurësh, u pastruan nga kontraktori dhe qarkullimi vazhdon normalisht.

Në akin Këlcyrë-Përmet pati dalje të disa përenjve anësorë duke sjellë në rrugë dhera dhe gurë, aksi u pastrua nga kontraktori, qarkullimi vazhdon normalisht.

Drejtuesit e mjeteve duhet të tregohen të kujdesshëm për shkak të lagështisë në rrugë, të reduktojnë shpejtësinë dhe të respektojnë sinjalistikën rrugore.

Foto nga ARRSH

Rendit zhvillimet sipas orarit:
Ora 13:20
Kukës/ Rrëshqitje dherash prej reshjeve të shiut dhe dëborës, nuk ka rrugë të bllokuara (VIDEO)

KUKËS- Prej mbrëmjes së kaluar qyteti u përfshi nga reshje të dendura shiu, intensiteti i të cilave erdhi në renie gjatë orëve të para të ditës.

Rrëshqitje dherash e inertesh u raportuan në segmentin Kukës-Shishtavec në vendin e quajtur Ura e Zapodit.

 Firma kontraktore po punon për hapjen e rrugës në dy drejtime për largimin e inerteve nga rruga dhe rivendosjen e qarkullimit të lirë për mjetet.

"Nuk ka patur probleme në qarkullim dhe firmat kontraktore janë në vend", është shprehur pergjegjesi i mirembatjes së qytetit.

Gjithashtu vendet në lartesitë 800 metra janë përfshirë me reshje intensive dëbore ku në Shishtavec arrin në 30 cm në Qaf-Mali 25 cm ,Valbonë 20 cm.

"Reshjet e dendura kanë sjellë probleme në urën e Zapodit për shkak të rrëshqitjes së dherave, por tani është e kalueshme", është shprehur shefi i Qarkullimit Rrugor Kukes Robert Ibrahimi.

Deri tani nuk raportohet për rrugë të bllokuara nga bora.

 Pas reshjeve prurjet në Fierzë u dyfishuan duke arritur në 420 metër kub ujë në sekondë.

Niveli i ujit në Liqenin e Fierzës shkoi në 275 metra ndërsa Fierza po punon me kapacitet të pjesshëm, e duke akumuluar rezervë ujore. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23