Meta: Mos më provokoni! S'i harroj karagjozët që bëjnë prova force me mua për Teatrin (VIDEO)

Presidenti Ilir Meta i revoltuar pas deklaratave të fundit nga kryeministri Edi Rama dhe kryebashkiaku Erion Veliaj se nuk bëjnë asnjë hap pas dhe se Teatri Kombëtar do të shembet, u shpreh se nuk do të harrojë apo amnistojë askënd. Meta u shpreh se 'sa i takon ndonjë karagjozi që bën prova forca me presidentin', ta ketë të qartë se po mban shënim cdo gjë. I pyetur nëse do të jetë në mbrojtje të Teatrit si në rastin e Kushtetutës ku urganizoi tubimin e 2 marsit, Meta tha se do të jetë gjithmonë në krye të detyrës, ndërsa kërkoi që të mos e provokojnë.

"Çështja që kam dalë këtu është e një rëndësie të veçantë, është çështje e nivelit Kushtetueses dhe askush nuk mund të fshihet pas procedurave për shkelje të qëllimshme dhe të vetëdijshme që cenojnë një interes të përbashkët të të gjithë qytetarëve, që ka të bëjë me një interes kombëtar dhe kulturor. Sa i takon se ku do të jetë presidenti, presidenti është gjithmonë në krye të detyrës, mbrojtje të kushtetutës dhe do të jetë gjithmonë në krye të detyrës. Sa i takon ndonjë karagjozi që bën prova forca me presidentin, ta ketë të qartë se presidenti sillet me përgjegjësi maksimale mbanë shënim cdo gjë, i ka bërë paralajmërimet të përsëritura.

Do të bëjë detyrën e tij, pa rënë në provokime banale. I ka ftuar të gjithë të menaxhojnë me përgjegjësi situatën shqetësuese të shëndetit publik dhe ekonomisë. U ka bërë thirrje që të përqendrohen te 15 kushtet e BE-së, nuk kemi nevojë të shtojmë të tjera dhe sjellja ndaj kësaj cështje nuk është në dimensione lokale, por monitorohet maksimalisht dhe do të kishte një ndikim përkeqësues për pozitën tonë që nuk është aspak për t'u krenuar për negociatat. Secili zgjedh rrugën e tij të zgjedh edhe përgjegjësinë dhe pasojat e tij, nuk do të harrohen apo amnistohen si cështje se janë të interesit kombëtar. Shpresoj që të heqin dorë nga provokimet, se nuk do të ishin ato që do të ndihmonin pozitën e kujtdo" tha ai.

Lajmi kryesor:

Qeveria i kaloi Teatrin bashkisë, Meta çon vendimin në Kushtetuese: Tejkaluat kufirin! Mos provokoni, s'i harroj karagjozët që bëjnë prova force me mua

/b.ha./Shqiptarja.com

TAG:
• gjykata kushtetuese
• Ilir Meta
• teatri kombetar