Nga një punëtor ndërtimi në një valltar fluturues. Kështu e nisi karrierën Rexhep Çeliku, duke thyer beton pranë Teatrit të Operës dhe Baletit. Ai nuk mund ta merrte me mend se institucioni pranë të cilit punonte do të shndërrohej më pas në shtëpinë e tij të dytë, në të cilin vazhdon të kërcejë ende, në datëlindjen e tij të 60-të. Ditëlindja ka qenë një rast i mirë dje për promovimin e librit monografik dedikuar valltarit të njohur. Libri titullohet “Rexhep Çeliku, valltari Fluturues”. Libri kushtuar figurës së tij dhe artit koreografik përgjatë karrierës është shkruar nga Dedin Suli. Shqiptaro-italiani Dedin Suli është koreograf dhe studiues i artit koreografik.