Rexhep Çuni, mësuesi që punon tokën me parmendë! Çmimi i naftës kthen fermerët te mjetet primitive

Rexhep Çuni është mësues i fshatit Shtrezë në Shishtavec të Kukësit. Krahas arsimit merret dhe me punët e bujqësisë.  E gjejmë duke punuar tokën me parmendë, në pamundësi financiare për të përdorur zetorin apo mjete të tjera motorike.

"Është punë e vështirë dhe vjen për shkak të parcelizimit të tokës. Mekanika bujqësore është e vështirë për shkak të terrenit dhe pamundësisë, punojmë me kalë ose me qe. Punoj sipërfaqe të vogla për nevoja familjare dhe pak për të shitur", tha ai.  

Patatja është e vetmja kulturë bujqësore që mbillet në këtë zonë dhe burimi kryesor i të ardhurave. Shqetësim për Rexhep Çunin dhe banorë të tjerë mbetet rritja e çmimeve për plehrat kimikë. Fermerët e Shishtavecit që njihen për prodhimin cilësor të patates nuk disponojnë NIPT e për pasojë nuk përfitojnë nga skema e subvencioneve.

"Përpos vështirësive janë edhe me kosto të lartë se plehrat kimike janë trefishuar. Njerëzit këtej nuk regjistrohen se me 2-3 dynym tokë nuk mund të marrësh NIPT", shprehet ai.

Për shkak të kostos së lartë të prodhimit dhe vështirësive në plugim ka rënë ndjeshëm sipërfaqja e tokës së punuar në Shishtavec.

/Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?



×

Lajmi i fundit

John

Tirana e nis me humbje Champions, luksemburgasit fitojnë minimalisht! Shpresa për përmbysje javën e ardhshme