Rey Manaj ka shënuar 15 gola këtë sezon me Sivasspor në Superligën e Turqisë. Lushnjari la pas një dëmtim që e mbajti jashtë për një kohë të gjatë dhe pas firmës në verën e shkuar ka bërë mirë.
Tanimë edhe Sylvinho është duke monitoruar gjendjen e 26-vjeçarit, teksa në Turqi njoftojnë se për Manaj ka oferta nga disa klube në Europë dhe ai është gati të vendosë rekord në lëvizjet e merkatos, me Sivasspor që ka lënë çdo gjë pas Europianit 2024.
Menaxheri i Sivasspor, Gokhan Karagol bëri një deklaratë në programin Mixed Zone në Lig Radio, duke bërë me dije se ka pasur oferta për Rey Manaj.
![](https://shqiptarja.com/template/img/NO_ALFA_Kuadrate shqiptarja.png)
“Ne po marrim oferta shumë serioze. Megjithatë, ne po i shtyjmë të gjitha për në fund të sezonit. Pas Euro 2024 presim që Manaj të thyejë rekordin e transferimeve mes skuadrave”, tha ai.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)