'Rezolutë për dënim e gjenocidit serb'/ Balla- Bashës: Premton çfarë i vjen në çdo takim që duken si një hapësirë publicitare mes dy emisioneve të gjumit

TIRANË- Premtime boshe, i ka quajtur numri 2 i PS-së, Taulant Balla, deklaratat e bëra nga kryedemokrati Lulzim Basha në takimin me presidenten në detyrë të Kosovës Vjosa Osmani.

Balla shkruan se Basha nuk di të bëjë gjë tjetër veçse se të premtojë, ku nuk i lë pa përmendur edhe akuzat e mbërritura në drejtim të tij sa i përket rolit në Luftën e Kosovës.

"Ai që bëri dosjet e luftëtarëve të UÇK dhe fshehu kasetën e masakrës në Krushë, pastaj votoi bashkë me babanë e tij politik rezolutën e pistë të bazuar mbi raportin famëkeq të Dick Marty mbi udhëheqësit e luftës Çlirimtare të Kosovës, mund të gënjejë veten po jo shqiptarët me përbetimet e tij për Kosovën! Sot Lulzim Basha bëri atë që di të bëjë gjithnjë, të premtoje çfarë i vjen në radhën e takimeve, që duken tamam si një hapësire publicitare mes dy emisioneve te gjumit të tij të paepur. Po meqë të gjitha thotë që do t'i bëjë realitet në 25 prill, po i themi se në 25 prill do bëjë realitet vetëm marrjen e një patateje të madhe nga zgjedhësit shqiptare", shkruan Basha.

LEXO EDHE:
'Taksa e sheshtë 9%', Basha: I jep fund tiranisë mbi shtresën e mesme dhe sipërmarrjen

Një nga premtimet që bëri dje Basha në takimin me Vjosa Osmanin, ishte heqja e traut në Rrugën e Kombit sapo të vijë në pushtet dhe se dhe Kuvendi i ri i Shqipërisë do të miratoje rezolutën për dënimin e gjenocidit serb.

B.K./Shqiptarja.com

TAG:
• lulzim basha
• taulant balla
• Vjosa Osmani