Prodhimi i naftës në vendburimin Patos-Marinëz arriti në rreth 540 mijë tonë vitin e kaluar, pasi Bankers rifilloi shpimin e puseve të reja. Investimet u rritën gjatë vitit 2022 për shkak të çmimeve më të larta të naftës në tregjet ndërkombëtare, të cilat përmirësuan kapitalin e kompanisë.
Bankers është kompania më e madhe e prodhimit të naftës, e cila përfaqëson rreth 90% të totalit të naftës së prodhuar në vend dhe zë një pjesë të konsiderueshme në eksportet shqiptare. Burime zyrtare të Bankers konfirmojnë se në fund të vitit pagesat e rentës minerare arritën në mbi 48 milionë dollarë. Krahasuar me vitin 2021, kompania ka rritur pagesat e rentës minerare ndaj shtetit shqiptar me 50% duke rikonfirmuar pozicionin e saj si një nga taksapaguesit më të mëdhenj në vend. Renta minerare e paguar nga Bankers dominon buxhetin e doganave duke përfaqësuar rreth 80% të totalit të rentës të paguar në Shqipëri.
Burimi: Bankers Petroleum Albania
Në total, që nga fillimi i veprimtarisë së saj në Shqipëri, Bankers ka paguar më shumë se 675 milionë dollarë rentë minerare në buxhetin e shtetit shqiptar. Ndërsa në total, taksat e paguara ndaj qeverisë arritën në rreth 890 milionë dollarë në fund të vitit 2022.
Burime zyrtare nga Bankers konfirmojnë se kompania do të vazhdojë të jetë një investitore me vlerë për një periudhë afatgjatë dhe është reciprokisht ndihmuese dhe përfituese me qeverinë shqiptare.
“Ne kemi plane ambicioze për vitet në vijim. Krahas shpimit të puseve të reja horizontale kemi hartuar edhe strategjinë e re për të prodhuar me teknologji të avancuara, si metoda termike, e cila rrit energjinë në shtresa dhe shtyn më shumë naftë në sipërfaqe”bëjnë të ditur drejtuesit e Bankers.
Ata konfirmojnë se po ndërmerren hapa të rëndësishëm në projektet mjedisore pasi kompania tashmë ka filluar trajtimin e mbetjeve të naftës dhe ka plane ambicioze për të trajtuar të gjithë llumin që prodhohet gjatë operacioneve hidrokarbure.
“Projekte të tjera të rëndësishme që do të vijojnë këtë vit janë modernizimi i rrjetit energjetik, proces ky i rëndësishëm në përmirësimin e standardeve mjedisore”.
Rezultatet kryesore nga 2004 deri në 2022
890 milion USD – taksa të paguara në total
675 milion US$ - rentë minerare të paguara
20.7 milion US$ - taksa vendore të paguara
49.4 milion USD - akcizë
25.3 milion USD – sigurime shoqërore
Komente
Lajme të tjera
-
20 vjet nga riaktivizimi i fushës naftëmbajtëse Patos-Marinzë, Bankers Petroleum Albania prodhon 20 mijë fuçi në ditë
13 Shtator, 19:51 -
Fatos Çoçoli: Kthesa e madhe me arbitrazhin ndërkombëtar! Shteti shmangu gjoba dhe humbje në nivel 208 milionë euro
27 Gusht, 11:01
-
Kompania ‘Bankers Petroleum’ investon 96 mijë Dollarë për infrastrukturën rrugore në Sheqishtë të Patosit
24 Korrik, 16:20 -
Diskutohen 236 mln dollarë, Shqipëria fiton arbitrazhin me Bankers Petroleum: Shpenzime të fryra, do të paguajë tatim-fitim
27 Qershor, 19:50 -
Mbështetje e të rinjve përmes sportit: Bankers dhuron pajisje sportive për 240 nxënësit e shkollës e Zharrzës
5 Qershor, 17:37 -
Bankers investoi 4 mln USD në përmirësimin e mjedisit në fushën e naftës në Patos Marinzë
20 Shkurt, 16:16 -
Bankers teknologji të re për rigjallërimin e Patos Marinzës! CEO, Huanqin Xiao: Projekti rrit prodhimin e naftës me 5-15%
21 Dhjetor 2023, 16:26 -
Bankers Petroleum 5 vjet transport hekurudhor të naftës, reduktoi 60% emetim gazesh të efektit serë
6 Nëntor 2023, 21:45 -
Intervista/ Huanqin Xiao, CEO i Bankers Petroleum Albania: Injektimi i Avullit, projekti ambicioz që do të ndryshojë Patos-Marinzën! Synojmë të hapim 28 puse të reja
25 Shtator 2023, 18:31 -
Bankers Petrolium krah të rinjve në mësimin e gjuhës kineze! Zhvillohet konkursi i 6-të i gjuhës kineze ‘Chinese Bridge’
15 Qershor 2023, 18:31 -
Bankers mundësi punësimi për studentët, CEO Huanqin Xiao: Të interesuar për pozicionin e inxhinierit e gjeologut
2 Qershor 2023, 16:52 -
Bankers paguan mbi 6 milionë dollarë rentë minerare në 3 muaj, 80% e totalit të të ardhurave nga kjo taksë
25 Maj 2023, 13:03
Prodhon mor prodhon por ku shkon...
PërgjigjuBankers ka vite qe vetem fiton dhe vjedh pasurine kombetare edhe nuk paguan pjesen qe i takon te paguaje. Vjedhje e perbashket me pushtetin e tashem dhe te kaluaret.
Përgjigju