Dosja 21 janari, pas rihetimit për vrasjen e Aleks Nikës, djali i Faik Myrtajt kërkon drejtësi për babanë e tij: Ta marrë në dorë SPAK, shpresa e vetme

Rihapja e hetimeve për vrasjen e Aleks Nikës më 21 janar 20211, ka nxitur edhe familjarët e viktimave të tjerë në këtë protestë që të kërkojnë drejtësi për të ndjerit e tyre. Një prej tyre është edhe Ranato Myrtaj, i biri i Faik Myrtaj i cili mbeti i vrarë nga garda e Republikës gjatë protestave të opozitës në Bulevardin "Dëshmorët e Kombit" më 21 janar 2011. Renato kërkon që çështja e babait të tij t'i kalojë SPAK-ut për të rinuar hetimet dhe vendosur drejtësi, ndërsa shprehet se vetëm tek ky institucion ka shpresa se mund të zbardhet e vërteta e vrasjes së babit të tij dhe 3 protestuesve të tjerë gjatë protestws së thirrur nga PS, në atë kohë në opozitë.

“Për dy personat që është hapur dosja e 21 janarit në dijeninë time për Aleks Nikën nuk ka pasur një hetim të thelluar dhe mesa kam marrë vesh ky është një hetim që ka bërë kërkesë policia. Shpresoj që çështjen e Aleks Nikës si dhe tre personave të tjerë ta marrë SPAK. Ne thjeshtë kemi bërë kërkesën në Gjykatën e Lartë. Akoma s'kemi marrë përgjigje. Pres që çështjen ta marrë SPAK. Kjo është shpresa ime. Edhe gjykata speciale nuk është krijuar koma. Por kësaj çështje do i shkohet deri në fund. Është çështje kohe dhe duhet besim që kësaj çështje do ti shkohet deri ne fund. E kam thënë edhe më parë themelet e reformës në drejtësi sapo janë vendosur dhe kini besim të gjithë që kësaj çështje do t’i shkohet deri në fund,” tha Renato Murtaj.

Një ditë më parë Prokuroria e Tiranës rifilloi hetimet për dosjen “21 janari” ku fokus ka zbardhjen e autorit që i mori jetën protestuesit Aleks Nika dhe plagosjen e dy shtetasve një dekadë më parë. Rihapja e dosjes së nxehtë së 21 janarit pas një dekade pritet që shumë persona të përfshirë në atë ngjarje si në poste publike, role drejtues në gardë dhe protestues të rimerren në pyetje.

Më 21 Janar 2011 humbën jetën Aleks Nika, Ziver Veizi, Hekuran Deda dhe Faik Myrtaj, para kryeministrisë, në protestën e thirrur nga Partia Socialiste dhe hetimi i parë çoi si të pandehur për ngjarjen Ndrea Prendin dhe Agim Llupon, që u dënua nga apeli me 1 dhe 3 vjet burg për “vrasje nga pakujdesia” .

4 viktiamt e 21 janarit ( Faik Myrtaj, i pari nga e majta )

/b.ha./Shqiptarja.com

TAG:
• Tirane
• spak
• 21 janari
• Faik Myrtaj
• Aleks Nika
• renato myrtaj