POP 5

Lajmet më të lexuara të 5 minutave të fundit

Ekonomi

Rihapet tenderi për ndërtimin e banesave individuale të shembura nga tërmeti

Fondi Shqiptar i Zhvillimit rihap tenderi për ndërtimin e banesave individuale të shembura nga tërmeti, me fond limit 6.186 miliardë lekë

TIRANË- Pas dështimit të tenderit të parë për rindërtimin e 2500 banesave individuale Fondi Shqiptar i Zhvillimit ka rihapur përsëri tenderin ndërkombëtar për ndërtimin e banesave të dëmtuara dhe shembura si pasojë e tërmetit të 26 nëntorit të vitit të shkuar. Tenderi është rishpallur në Agjencinë e Prokurimeve publike dhe është me fond limit 6.186 miliardë lekë pa TVSH.

Sipas dokumenteve shoqëruese të tenderit ndërkombëtar janë dy versione që mund të ndiqen, për ndërtimin e këtyre banesave. Në versionin e parë parashikohet ndërtimi i banesave individuale (1+1, 1+2, 1+3) me metodologji modulare, me konstruksion metalik parafabrikat dhe panele parafabrikate fiber cimento (antisizmike, eficience te larte energjie). Ndërsa në versionin e dytë ndërtime sipas projekteve tradicionale.

Të dyja këto versione kanë kosto të ndryshme për ndërtimin e banesave, pasi sipas versionit të parë për ndërtimin e një banese 1+1 do të shkojë 2.188 milionë lekë pa TVSH. Një banesë individuale 1+2, vlera e ndërtimit është 2,507 milionë Lekë pa TVSH dhe një banesë individuale 1+3, vlera 3,1 milionë lekë pa TVSH.

Ndërkohë sipas versionit tradicional një banesë 1+1 do të kushtojë 2.1 milionë lekë pa TVSH, për një banesë 2+1 është parashikuar 2.5 milionë lekë dhe për një banesë 3+1 është parashikuar në vlerën 3.1 milionë lekë pa TVSH.

Sipas Ministrisë së Rindërtimit, FSHZH do të ndërtojë 683 banesa 1+1, 972 banesa 2+1 dhe 845 banesa 3+1. FSHZH pritet të ndërtojë 2500 banesa individuale në territorin e bashkive Durrës, Kamëz, Kavajë, Rrogozhinë, Krujë, Kurbin, Lezhë, Mirditë, Shijak dhe Vorë.  Banesat individuale që do të ndërtohen do të jenë rezistente ndaj tërmeteve deri në 9 ballë, ato janë të projektuara që të kenë një kosto financiare të ulët ndërtimi dhe të kenë eficiensë energjie.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Manchester City buzë 'greminës', Guardiola: Do mbijetojmë, PSG ishte më mirë se ne

Manchester City buzë 'greminës', Guardiola: Do mbijetojmë, PSG ishte më mirë se ne

23 Janar, 10:37