Rikonstruktohen rrugët “Sabaudin Gabrani” dhe “Leka i Madh” një Njësitë 5 dhe 6, Veliaj: Infrastrukturë dhe sinjalistikë moderne

Bashkia e Tiranës ka rikonstruktuar rrugët “Sabaudin Gabrani” dhe “Leka i Madh”, të cilat u vijnë në ndihmë familjeve në të dyja njësitë. Veç asfaltimit dhe trotuareve, ato ofrojnë edhe sinjalistikë moderne dhe rrjet të plotë kanalizimesh.

Kryetari i Bashkisë së Tiranës, Erion Veliaj falenderoi banorët që u treguan të gatshëm të bashkëpunonin për uljen e mureve rrethues dhe i ftoi ata që të kujdesen për mirëmbajtjen e investimit.

“Veç një shkolle të re, tani kemi edhe infrastrukturë të mirë. Kjo zonë ka qenë si toka e askujt, por, këmbëngulja e deputetit Majko dhe deputetes Balluku ka qenë që ta integrojmë të gjithë zonën. Në këtë vend kur dikur ka qenë një përrua i madh, sot kemi kanalizime për ujërat e zeza, ujërat e bardha, ka pika për mbledhjen e plehrave, është vendosur ndriçim LED. Dua vetëm që qytetarët ta mirëmbajnë, me të njëjtën frymë që kanë bashkëpunuar”, u shpreh Veliaj.

Investimi në rrugët “Sabaudin Gabrani” dhe “Leka i Madh” ka mundësuar asfaltimin, ndërtimin e trotuareve, shtrimin e rrjetit të kanalizimeve për ujërat e bardha, ndriçimin e rrugës, vendosjen e sinjalistikës rrugore etj.

Lajmi kryesor:

Zjarret, Veliaj: Raste të izoluara edhe në rrethinat e Tiranës! Tentativa për zjarrvënie te 'Parku i Liqenit', në Pezë dhe në Vrap

TAG:
• sinjalistike rrugore