Rikthehet tregu i frutave -perimeve në Sheshin e Flamurit, tregtarët: Të vihet pastërti, duhet patjetër një çezmë uji dhe një banjo

Nisja e punimeve për restaurimin e Parkut kombëtar të Pavarësisë, ka rikthyer tregtarët e frutave dhe perimeve në sheshin e Flamurit në Vlorë.

Prej vitesh një treg provizor pranë Sahatit të qytetit, tregtarët e kanë mirëpritur rikthimin në shtëpinë e vjetër si e vetmja hapësirë në qytet në shërbim të konsumatorit.

 “Këtu jemi më mirë, se jemi dhe larg xhadesë. Unë kam ardhur tani vonë”, shprehet një tregtare.

LEXO EDHE:
Kthimi i emigrantëve për Vitin e Ri, rëndohet trafiku në Vlorë

“Ka dimër, fryn, bie shi, por këtu jam tek vendi im. Vetëm të venë pak pastërti”, thotë një tjetër tregtare.

“Ne e vlerësojmë se kemi dalë për bukën e gojës. Na çuan jashtë, na prunë prapë këtu. Ne kërkojmë një treg si gjithë qytetet e tjera. Këtë kërkojmë”, thotë nje tregtare në Vlorë.

Tregtarët kërkojnë më shumë vëmendje pasi në hapësirën e tregut vijojnë të mungojnë elementët kryesore që nga uji e deri tek tualetet.

 “Këtu për higjenë duhet një çezmë, duhet edhe një banjo se janë gjithë këta njerëz. Por një çezmë duhet patjetër”, thotë një tjetër tregtare.

 “Tregu këtu ka qenë, po treg me standard këtu nuk ka. Është gjynah që punojmë këtu”, thotë një tregtare.

Kështu që shumë prej ish tregut të Orizit janë vendosur në trotuarin pranë Postës, ku edhe kanë qenë përpara restaurimit të Sheshit.

TAG:
• Vlore
• treg
• tregu i fruta-perimeve
• sheshi i flamurit

Sondazhi i ditës:

Si ka qene per ju viti 2024?

• I mire

  43.7%

• I keq

  22.7%

• As i mire as i keq

  33.6%

Vota total: 1610

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq