Pa u bërë ende 3 muaj nga hyrja në fuqi e ligjit për ndryshimin e taksimit progresiv mbi pagat, ku u zerua tatimi për ata që marrin deri në 40 mijë lekë, qeveria zotohet për ta rishikuar përsëri ligjin. Tashmë synohet tatim zero për të gjithë qytetarët që paguhen deri në 50 mijë lekë, nga 40 mijë lekë që është prej 1 prillit 2022. Ndryshimet ligjore pritet të prezantohen së shpejti, dhe kjo nismë pritet të ndikoj në rritjen e të ardhurave tek qytetarët që kanë paga nën 50 mijë lekë.
Nëse ky premtim realizohet praktikisht më shumë se 58% e qytetarëve të punësuar në vend, nuk do paguajnë tatim për pagën. Pasi sipas të dhënave të INSTAT, 21.1% e punonjësve kanë rroga deri në 30 mijë lekë, ndjekur me 23,3% të atyre që paguhen 30-40 mijë lekë dhe janë rreth 13,6% e të punësuarve në vend që paguhen nga 40-50 mijë lekë. Praktikisht nga 1,266,652 që është numri total i të punësuarve në vend, 58% e tyre ose rreth 734,658 punonjës do të jenë pa taksa.
Skema aktuale po ndryshon edhe për shkak se vjet kur u rishikua taksa progresive për pagat, u caktua që kur një qytetar paguhet me 50 mijë lekë tatimi për të do të fillonte nga paga 30 mijë lekë dhe për 20 mijë lekëshin punonjësi duhet të paguante 6.5% tatim. ( Paga 50 mijë lekë, tatimi që paguhet është për vlerën mbi 30 mijë lekë që është 20 mijë lekëshi). Vendim që u kundërshtua edhe nga vetë socialistët pasi nuk ishte zerim i pastër i taksave për pagat deri në 40 mijë lekë.
Ky rishikim i shpejtë i ligjit sipas qeverisë shkon përkrah politikës socialiste që kush merr pak do paguaj më pak, sidomos në kohën e krizës së çmimeve. Ende nuk saktësohet nëse do të ketë ndryshime të tjera në fashat e taksimit, por në projektligjin e hedhur për konsultim publik që shfuqizon ligjin Ligji Nr 8438, datë 28.12.1998, për tatimin mbi të ardhurat, janë caktuar vetëm 2 fasha për taksimin e të ardhurave nga punësimi. Konkretisht në të thuhet se të ardhurat bruto nga punësimi deri në 2,040,000 (170 mijë lekë në muaj) do tatohen me13% dhe mbi 2,040,000 do tatohen me 23%.
NUMRI I PUNONJËSVE SIPAS PAGAVE
Paga deri 30 mijë lekë 21.1% e punonjësve
Paga mbi 30 deri 40 mijë lekë 23,3% e punonjësve
Paga mbi 40 deri 50 mijë lekë 13,6% e punonjësve
PR/LIGJI I TATIMIT MBI TË ARDHURAT
Baza tatimore vjetore Tatimi
0 – 2,040,000 13%
Mbi 2,040,000 23%
Lajme të tjera
-
Qeveria miraton rregulloren e re për plazhet private, subjektet që përfitojnë dhe kriteret! Aplikimi në e-Albania, çadrat 3 metra nga njëra-tjetra dhe vend për invalidët (E PLOTË)
24 Tetor, 18:12 -
Qeveria miraton Rregulloren e garës për 12 drejtorët e Policive në Qarqe! I njëjti proces për Zv/drejtorin e Përgjithshëm, drejtorët e Departamenteve dhe shefat e Komisariateve
16 Tetor, 13:36 -
Qeveria me strategji të re/ S’ka më përjashtime nga taksat, mbështetja e bizneseve apo individëve do të bëhet me kompensime e financiare
6 Tetor, 17:58
-
VKM/ Nga Liqeni i Pogradecit te Pishë Poro-Nartë, qeveria shpall 10 peizazhe të mbrojtura
25 Shtator, 21:12 -
Lirohet nga detyra drejtori i Cirkut Kombëtar, Laid Ymeri
25 Shtator, 18:22 -
'Qëllimisht stok'! Qeveria zbulon skemën e ndërtuesve për të rritur artificialisht çmimet
13 Shtator, 17:29
-
Hiqen vizat me Nikaraguan dhe Kirgizstanin për pasaportat diplomatike
11 Shtator, 16:42 -
Nga humbja e jetës te dëmtimet në krye të detyrës, sigurohet jeta për ushtarakët me misione jashtë! Ja dëmshpërblimet që përcakton qeveria
28 Gusht, 17:16 -
VKM/ Rriten pagat e punonjësve në 61 Bashkitë, Mazniku: Ekspertët do paguhen të gjithë njësoj! Do rishikohet formula për ndarjen e fondeve
1 Gusht, 11:07 -
Denaj: Miratohet pr.ligji për produktet organike, rregullon certifikimin dhe kontrollin në çdo fazë të prodhimit
1 Gusht, 10:23 -
Propozimi i qeverisë: Administrata mund të vijë në punë kur të dojë, mjafton të plotësojë orët
16 Korrik, 18:31 -
Hyn në fuqi rritja e pagave për administratën, përfitojnë 135 mijë punonjës (LISTA)
1 Korrik, 08:36
