Teksa 21 qershori po afron, tensioni dhe shqetësimi i kandidatëve, por edhe i anëtarëve të tjerë të dy forcave të mëdha politike për të pasur zgjedhje të lira, të drejat e larg çdo presioni sa vjen e shtohet.

Sekretarit i Përgjithshëm i Partisë Demokratike, Arben Ristani nëpërmjet një deklarate për mediat tha se është njoftuar se drejtuesi i fushatës së kandidatit të PD-së në Delvinë, Pandi Zhonga është kërcënuar me jetën e tij dhe të fëmijëve nga Fatos Llalla. Luka thotë Ristani është Drejtor i zyrës Arsimore në Delvinë dhe familjar i kandidatit të LSI-së atje.

Ai i ka quajtur drejtorët e emëruar nga LSI si ish-trafikantë droge, të cilët po bëjnë të pamundurën për të manipuluar dhe blerë votat në të gjitha qytetet e vendit

Reagimi i plotë i Arben Ristanit
"Ndërkohë që po lexoja letrën e hapur të mikut dhe kolegut tim, Astrit Patozi ku ai fliste për vrasje të zgjedhjeve dhe zgjedhësve në Vorë, më bie zilja e telefonit. 
Kryetari i degës së Partisë Demokratike Delvinë, më njoftuan se drejtuesi i fushatës së kandidatit të PD-së, Pandi Zhonga është kërcënuar me jetën e tij dhe të fëmijëve nga Fatos Llalla. Ky i fundit aktualisht Drejtor i zyrës Arsimore Delvinë dhe sigurisht familjar i kandidatit nga LSI.
Terrori i njerëzve të LSI-së në Delvinë ka ditë që u prish rrjedhën normale të jetës, njerëzve të varfër të këtij qyteti. Drejtorat e emëruar nga LSI, sigurisht ish-trafikantë droge, pasi janë kujdesur të pushojnë masivisht nga puna familjet demokrate, sot janë duke drejtuar dhunimin e çdo individi që ata mendojnë se nuk i voton.
Delvinjotët ashtu si edhe sarandiotët që nuk ua kursen dhunën, presionin, largimin nga puna, pasha Koçua, janë të vendosur të përdorin votën e tyre për t’i kthyer kusurin këtyre banditëve.
Po bëjnë gjithçka për të manipuluar zgjedhjet, në Durrës, Kavajë, Vorë, Shkodër, Delvinë e Sarandë. Kanë gjunjëzuar institucionet e pavarura dhe drejtësinë, kanë blerë, korruptuar dhe dhunuar mediat, kanë trembur dhe mbyllur bizneset, presojnë administratën shtetërore etj etj. Duket sikur reja e zezë e diktaturës po mbulon vendin. Është detyra historike e opozitës dhe e Partisë Demokratike që të ringjallë frymën e protestës popullore, me votë dhe mjete demokratike për të shpëtuar vendin nga kjo mënxyrë".
 
Redaksia Online
(o.b/ Shqiptarja.com)