POP 5

Lajmet më të lexuara të 5 minutave të fundit

Ekonomi

Rivlerësimi i pronave shtyhet në fund të janarit, do të bëhet online

Rivlerësimi i banesave me tatim 3% do të vazhdojë në fund të janarit, për shkak se ende nuk është plotësuar kuadri ligjor. Report TV mëson se Kadastra dhe Financa po punojnë për nxjerrjen e një udhëzimi me detaje se si do procedohet me rivlerësimin. Ndërkohë burime zyrtare bëjnë të ditur se rivlerësimi do të bëhet online pranë zyrave të ADISA dhe tek noterët.

Mungesa e një udhëzimi dhe një VKM, po bëhet shkak që procesi i rivlerësimit të banesave të mos fillonte në 14 janar por në muajin shkurt. Sipas informacioneve të marra në Agjencinë Shtetërore të Kadastrës, fillimi i zbatimit të këtij ligji është kompleks dhe se Ministria e Financave dhe Kadastra kanë afat deri në 1 muaj për të nxjerrë një udhëzim të përbashkët për të shprehur në mënyrë konkrete se cfarë kriteresh duhen përmbushur për të bërë rivlerësimin. Deri më tani pranë zyrave të ekspertëve vlerësues është dërguar një listë me dokumente që duhet të dorëzojnë ata pronar që kanë te hipotekuar banesën e tyre.

Dokumentet për banesat me certifikatat pronësie:
1. Kopje të dokumenteve të pronësisë
•         Certifikatë pronësie (e domosdoshme)
•         Kartela (nëse e disponon)
•         Harta treguese (nëse e disponon)
•         Planimetri  (nëse e disponon)
2. Fotokopje të dokumentit të identitetit të pronarit

Por ende nuk është saktësuar se cilat janë dokumentet që duhet të dorëzojë nje qytetar i interesuar per të bërë rivlerësimin por e ka banesën në proces legalizimi. Në udhëzimin që po hartoj të dy institucionet do të përcaktohen edhe mënyra se si do të procedohet me banesat që kanë prapavijë me probleme siç është bashkëpronësia, apo prona të marra në formën e dhurimit. Por përveç kësaj REPORT TV ka mësuar se rivlerësimi i banesave do të mund të kryhet online për këtë arsye ADISA po ushtron trajnime intensive të punonjësve që do të vazhdojnë deri në fund të janarit që pranë zyrave të saj të ofrohet online edhe ky shërbim.

ADISA deri më tani ka marrë të drejtën të ofrojë një sërë shërbimesh online, sic janë taksat e ndryshme. Po ashtu të gjithë të interesuarit do të mund të kryejnë procesin e rivlerësimit edhe pranë zyrave noteriale, pasi falë marrëveshjes së nënshkruar nga Kadastra me Dhomën e Noterëve, iu dha e drejta noterëve që të ofronin një sërë shërbimesh online, siç ishin tapitë, por tani do të ofrojnë edhe bërjen e rivlerësimit. Procesi i rivlerësimit të pasurisë me tatimin 3%, nga 15% që ishte më parë. Pritet të rivlerësohen 50 mijë pasuri me një efekt pozitiv në buxhet rreth 6 miliardë lekë sipas relacionit të ligjit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Popull: 16/01/2020 19:10

    Po per ne qe nuk kemi hipoteke dhe duam ta bejme ,si i behet

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ben Andoni: PD-ja përballë protestave, por pa publikun?!

Ben Andoni: PD-ja përballë protestave, por pa publikun?!

25 Dhjetor, 18:53 nga Ben Andoni