Receta

Rizoto/Pilaf me gorgonzola dhe speca nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 5 Prill 2023, 11:51 | Përditesimi: 5 Prill 2023, 11:54

Rizoto me gorgonzola dhe speca

Përbërësit:

300 gr oriz Carnaroli
1 spec i verdhë
1 spec i kuq
120 gr gorgonzola
1/4 gotë verë
40 gr djathë parmixhano
1 qepë e vogël
Vaj ulliri ekstra i virgjër
Lëng perimesh
Kripë, piper i zi

Përgatitja:

LEXO EDHE:
Lakër turshi me kimë në furrë nga zonja Albana

Fillimisht vendosini specat në furrë të piqen për pak minuta. Më pas largoni lëkurën e tyre. Kalojini specat në një frulator derisa të përftoni një krem të butë.

Në një tigan të madh me anë te larta skuqni orizin me pak vaj ulliri ekstra të virgjër, më pas shuajeni me verë. Në zjarr të ulët, vazhdoni të gatuani orizin duke shtuar lëngun e perimeve nga pak dhe duke vazhduar përzierjen në të njëjtin drejtim. Në gjysmën e gatimit, shtoni kremin e specave.

Në minutat e fundit të zierjes, shtoni 3/4 e gorgonzolës dhe vazhdoni ta trazoni derisa djathi të shkrihet plotësisht. Në fund të gatimit shtoni pjesën e mbetur të gorgonzolës, shtoni djathin parmixhano, pak kripë dhe piperin e zi të bluar në çast.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com