Këngëtari amerikan Ron Pope ka publikuar në faqen e tij zyrtare të Twitter, performancën e këngës “Drop in the ocean” të kënduar nga Ylli Limani në një nga mbrëmjet e konkurrimit në “The Voice Of Albania”.
“Shikoni Yll Limanin duke kënduar një prej këngëve të mia në Voice of Albania. E kërkove në hartë, Shqipëria është pranë Italisë. Tani e di se nga vjen Ylli”,- ka shkruar Pope në Twitter.
Ndërkohë këngëtari kosovar Limani e ka falenderuar për vlerësimin e dhënë. “Jam shumë i lumtur që e ke parë. Është një prej këngëve të mia më të preferuara. Faleminderit që më ke shkruar. Ka domethënie të madhe për mua”,- ka thënë Limani.
Këngëtari është duke punuar aktualisht për publikimin e klipit të këngës “Lart Mbi Yje”, e cila është publikuar disa ditë më parë në YouTube në versionin audio.
(xh.k/shqiptarja.com)