POP 5

Lajmet më të lexuara të 5 minutave të fundit

Sport

Ronaldo kalon kuotën e 800 golave, por rekordi prishet nga hetimet! CR7 në lupën e drejtësisë italiane

Dy golat kundër Arsenal e kanë bërë Kristiano Ronaldon të kalojë kuotën e 800 realizimeve në karrierë dhe të afrohet shumë me rekordin absolut. Gjithsesi për portugezin nuk ka kohë për festime, pasi drejtësia italiane po e heton për periudhën te Juventusi.

Cristiano Ronaldo me dy golat e realizuar kundër Arsenalit në fitoren 3-2 ka vendosur një tjetër rekord personal. 36-vjeçari ka kapur shifrën e 801 realizimeve në karrierë duke u afruar ndjeshëm me Josef Bican, çekun që numron 805 gola në karrierën e tij, por që ka luajtur në kampionate të dorës së dytë.

Ngahera janë përmendur edhe dy legjendat braziliane Pelle dhe Romario për të cilët thuhet se kanë realizuar mbi 1000 gola, por duke hequr ndeshjet miqësore nuk shkojnë më shumë se 700. Interesant është edhe fakti se 338 gola nga 801 Ronaldo i ka shënuar pasi ka mbushur 30 vjeç në 377 ndeshje gjithsej. Vlen për t’u përmendur se rivali më i madh i Ronaldos Lionel Messi ka realizuar 756 gola, por argjentinasi është dy vite më i ri se portigezi.

Gjithsesi këto rekorde fantastike Ronaldo nuk do t’i shijojë i qetë. Mediat në Itali shkruajnë se fituesi i pesë herë ‘Topit të Artë’ do të merret në pyetje nga drejtësia italiane, pasi është përmendur në operacionin ‘prisma’ ku po hetohet Juventusi dhe klube të tjera për plusvalenca fiktive, duke ndihmuar kompaninë për t’i shpëtuar ligjit. Nuk dihet nëse Ronaldo do udhëtojë në Itali apo avokatët e tij do të zgjidhin çështjet.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15