POP 5

Lajmet më të lexuara të 5 minutave të fundit

Kronikë

Rrezikohet çarja e digës së Kurjanit, kryebashkiakja e Roskovecit: Kemi kërkuar ndihmën e Ministrisë së Brendshme

34 milionë litra ujë rrezikojnë të mbulojnë Roskovecin, Patosin e Fierin. Shkak për këtë është bllokimi i portave të digës së rezervuarit të Kurjanit në bashkinë e Roskovecit. Alarmi është ngritur nga kryetarja e bashkisë Majlinda Bufi e cila thotë se bllokimi i portave dhe mungesa e shkarkimeve rrezikon shembjen e digës.

Bashkia e Roskovecit në qarkun e Fierit ka ngritur alarmin në media, pasi porta e rezervuarit të Kurjanit është prishur e për pasojë nuk po kryhen shkarkimet e nevojshme. Shqetësimi është ngritur nga kryetarja e kësaj bashkie, Majlinda Bufi, e cila shprehet se bllokimi i portës mund të sjellë mbingarkesën e rezervuarit e për pasojë edhe çarjen e tij. Kryetarja e Bashkisë së Roskovecit thotë se ka bërë kërkesë në Ministrinë e Bujqësisë në lidhje me këtë problem, por deri më tani nuk është marrë asnjë masë. 

Para dy viteve kompetenca e ujitjes dhe kullimit i ka kaluar bashkive dhe rezervuari i Kurjanit ka kaluar në administrimin e plotë të Bashkisë së Roskovecit. Por që në momentet e para, ne kemi konstatuar që porta kryesore e shkarkimit të digës nuk funksionon. Gjithashtu edhe shkarkuesi katastrofik, i cili vendoset në punë në momente emergjente kur është i tejmbushur rezervuari, edhe ky nuk funksionon.

Kryetarja e Bashkisë së Roskovecit, Majlinda Bufi

Ndër të tjera, Bufi tha se është kërkuar edhe ndihma e polumbarëve të Ministrisë së Brendshme. Por, sipas saj nuk është bërë e mundur vënia në funksion e portave të ujëmbledhësit. "Pra nëqoftëse shirat janë të shumtë rreziku është i përmbytjes, jo vetëm i Roskovecit por edhe përtej Roskovecit, në Patos dhe në Fier. Kur në fakt, ky rezervuar me gjithë këtë sasi ujë që ka i shërben kësaj zone", tha ajo.

Ujëmbledhësi i Kurjanit depoziton rreth 34 milionë litra ujë, e nëse ndodh që diga e tij të çahet atëherë e gjithë Roskoveci, Patosi dhe një pjesë e Fierit përmbytet nga uji. Sipërfaqja e rezervuarit të Kurjanit zë një hapësirë prej 350 hektar tokë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Finlanda heton dëmin shkaktuar kabllove nënujore elektrike me Estoninë

Finlanda heton dëmin shkaktuar kabllove nënujore elektrike me Estoninë

25 Dhjetor, 21:59