TIRANE- Me një Vendim të posaçëm qeveria ka hapur rrugën për prishje të morisë së madhe të karburanteve anës rrugëve, duke përcaktuar për këtë qëllim rregulla të reja për distancën midis tyre dhe kushte të reja për sipërfaqet dhe shërbimet e tyre. Në rregulloren e zbatimit të Kodit Rrugor të Republikës së Shqipërisë, këshilli i Ministrave ka shtuar një nen tjetër kushtuar rregullave teknike të vendosjes së zonave të shërbimit në rrugë, që nuk ekzistonte më parë.