Rrëmbeu biznesmenin Halit Nazifi, Kushtetuesja i 'pret shpresat' për liri të Gentian Cakës, historia e pengmarrjes për 1 milionë USD

Rrëmbeu biznesmenin Halit Nazifi, Kushtetuesja i 'pret shpresat' për liri të Gentian Cakës, historia e pengmarrjes për 1 milionë USD

Gjykata Kushtetuese ka shuar shpresat Gentian Cakës, për të rrëzuar dënimin me 12 vite burg, për rrëmbimin e biznesmenit Halit Nazifi në vitin 2002, për t’i zhvatur 1 milionë USD. Me 25 nëntor 2021, Caka i është drejtuar Gjykatës Kushtetuese me kërkesën për të hedhur poshtë vendimet e tre shkallëve të gjyqësorit për dënimin e tij për veprën penale të rrëmbimit të personit në bashkëpunim. Caka u shpall fajtor nga Gjykata e Shkallës së Parë për Krimet e rënda në vitin 2007 dhe u dënua me 12 vite burg në mungesë.

Çaka, i cili ka pasur edhe procese të tjera penale, u arrestua në vitin 2015 nga forcat RENEA. Ai ankimoi dënimin e vendimit në mungesë. Në qershor të vitit 2015, gjykata e shkallës së parë pranoi ankesën për rivendosjen në afat të së drejtës. Në korrik të vitit 2015, Gjykata e Apelit për Krimet e rënda vendosi të linte në fuqi vendimin e shkallës së parë për dënimin me 12 vite burg. I dënuari ankimoi këtë vendim në Gjykatën e Lartë. Në korrik të vitit 2021, Gjykata e Lartë la në fuqi vendimin e Apelit.

Të tre këto vendime, Gentian Caka i ankimoi në Gjykatën Kushtetuese me pretendimin se nuk janë bërë hetime të plota për të vërtetuar fajësinë e tij, se njolla e gjakut në vendngjarje nuk përkon me grupin e gjakut të tij, se dëshmitë nuk kanë lidhje me rrëmbimin, se provat janë mbledhur në mënyrë të paligjshme, se nuk ka pasur avokat në fazën e veprimeve paraprake, se Gjykata e Lartë nuk ka pasqyruar me saktësi dhe vërtetësi faktet dhe rrethanat e çështjes etj.

Gjykata Kushtetuese, në 14 janar 2022, ka rrëzuar pretendimet e Cakës’, duke konfirmuar vendimet për dënimin e tij. Kushtetuesja ka arritur në konkluzionin se “gjykatat e kanë deklaruar fajtor kërkuesin mbi një sërë provash të administruara në gjykim dhe të shqyrtuara e vlerësuara prej tyre në tërësi dhe në harmoni me njëra-tjetrën”.

Gjykata Kushtetuese i ka vlerësuar si të pabaza edhe pretendimet e Gentian Cakës në lidhje me mangësitë e provave nga ana formale, vlefshmërinë dhe fuqinë provuese të tyre. Kushtetuesja thekon gjithashtu se Gentian Caka është përfaqësuar në të gjitha shkallët e gjykimit, fillimisht nga mbrojtësi i caktuar kryesisht dhe më pas nga mbrojtësi i zgjedhur prej tij. Gjithashtu, Kushtetuesja vlerëson se Vendimi i Kolegjit Penal të Gjykatës së Lartë nuk rezulton të  jetë alogjik, kontradiktor ose i paqartë në përmbajtjen dhe vlerësimin e tij.

Ngjarja e rëndë
Në qershor të vitin 2002 biznesmeni Halit Nazifi u mor peng nga persona të veshur si efektivë policie. Personat u kërkuan familjarëve të tij 1 milion dollarë kundrejt lirimit të tregtarit. Sipas gjykatës,Kreshnik Spahiu dhe Gentian Çaka, ishin autorët e pengmarrjes së biznesmenit Halit Nazifi. Dy ditë pas rrëmbimit, policia organizoi një operacionin për lirimin e pengut. Operacioni u karakterizua me shkëmbim zjarri, ku një nga pengmarrësit, Gentian Çaka, mbeti i plagosur. Policia arriti të lironte biznesmenin. Gjykata dënoi edhe Kreshnik Spahiun, por ky i fundit arriti të merrte azil politik në Zvicër.

M.Q./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis

Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis