POP 5

Lajmet më të lexuara të 5 minutave të fundit

Kultura

Rrënimi i monumenteve, historiani Dom Nik Ukgjini: Lezha në harresë! 26 monumente kulture, vetëm 4 të hapura për vizitorët

Muret e kishave të vjetra po shemben, ndërsa Ministria e Kulturës prej vitesh nuk çon asnjë investim në qarkun e Lezhës. Kështu shprehet studiuesi Dom Nik Ukgjini, i cili përmes Report Tv kërkon të ndërhyhet urgjentisht, pasi 22 monumente historike janë drejt shkatërrimit

Kisha qindra vjeçare, ura dhe shtëpi karakteristike janë rrënuar. Prej vitesh nuk investohet për restaurimin e objekteve të trashëgimisë në qarkun e Lezhës.

Historiani Dom Nik Ukgjini që me iniciativën e tij ka restauruar kishat në Balldre dhe Pllane, thotë se Ministria e Kulturës ka lënë harresë qarkun e Lezhës por dhe veriun në tërësi. Sipas tij, investimet më të shumta i kanë marrë manastiret ortodokse në jug të vendit.

"Ministria e Kulturës duhet të mirëmbajë monumentet në qarkun e Lezhës, normalisht ka dhe bashkia ka rolin e vet, por më pak përgjegjësi se ministria. Unë jam i pakënaqur sepse në veri shumë pak është investuar nga Ministria e Kulturës në krahasim me jugun ku janë restauruar mbi 60 manastire ku normalisht mund të ketë financa dhe nga kisha greke. Unë e kam provuar në lëkurën time, duke restauruar këto monumente në Lezhë me donacione private dhe ministria nuk e çan kokën!", shprehet Ukgjini. 

Qarku i Lezhës, ku përfshihen dhe Mirdita e Kurbini numëron plot 26 objekte që gëzojnë statusin monument kulture, por vetëm 4 prej tyre janë të aksesueshme nga turistët. Përkatësisht, kalaja e Lezhës, memoriali i Skenderbeut, kisha e Shën Venerandes dhe e Shën Premtes. Ndërsa plot 22 objekte të tjera, siç janë rrënojat e malit të Shëlbuemit, kalaja antike e Rubikut, rrënojat e kishës së Shën Stefanit, Ura e  Zekajve, ura e Shkinës, e shumë të tjera po shkojnë drejt shkatërrimit të plotë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

24 Nëntor, 07:35