POP 5

Lajmet më të lexuara të 5 minutave të fundit

Kultura

Rrënohet kisha 700-vjeçare në Blinisht, Dom Nik Ukgjini thirrje Ministrisë dhe Dioqezës së Lezhës: Shpëtoni monumentin e kulturës

Pak gjë, ka mbetur nga lavdia e dikurshme e kishës së Shën Shtjefnit në Blinisht të Lezhës. Objekti i kultit i cili gëzon dhe statusin monument kulture ka degraduar bashkë me afresket. Historiani, Dom Nik Ukgjini përmes Report Tv kërkon që të ndërhyhet sa më shpejt nga Ministria e Kulturës.            

Kisha e Shën Shtjefnit në Blinisht të Lezhës, shpallur monument kulture i kategorisë së parë ka degraduar plotësisht. Krahas rënies së çatisë vitet e fundit janë shembur muret dhe janë dëmtuar thuajse plotësisht afresket.

"Këtu ka qenë me qemer kisha prej guri, siç është dhe kisha e Balldrenit, tani shihet se është rrënuar nga moskujdesi i institucioneve që duket të merren me monumentet. Mund të bëhet diçka për të ruajtur muret që kanë mbetur, punime restauruese dhe çati. Duhet të shpëtohet kjo kishë, nuk është investim i madh duhet dëshirë vullnet për ta ruajtur", tha studiues Dom Nik Ukgjini.

Studuesi Dom Nik Ukgjini tregon vlerat e jashtëzakonshme historike dhe kulturore të objektit të kultit.

"Këtu ku jemi është kisha e Shën Shtjefnit martir" dhe studiuesit tanë që në kohën kur u shpall monument kulture theksojnë se ka qenë kishë me vlera si në arkitekturë ashtu dhe në histori sepse në këtë zonë ka jetuar edhe familja e njohur e blinjishtave, familje princore. Që në 1610 dalin këto objekte në dokumente, por edhe më herët", u shpreh ai. 

Bashkë me muret janë dëmtuar edhe afresket e rralla, ndërsa Ukgjini apelon Ministrinë e Kulturës dhe Dioqezën e Lezhës të restaurojnë kishën, monument kulture.

"Duhet të kujdeset kisha e Lezhës, bashkë me Bashkinë dhe Ministrinë e Kulturës", theksoi ai.

Nëse nuk ndërhyhet me urgjencë rrezikojmë të humbasin një ndër monumentet më të bukura të kulturës në veri të vendit.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51