Partia Demokratike rrezikon të mos regjistrohet në zgjedhjet lokale të 14 majit. Kreu i grupit parlamentar të Partisë Demokratike, Enkelejd Alibeaj deklaroi mbrëmjen e sotme se nuk do të ndryshojë qëndrim përsa i takon kërkesës së kreut të KQZ-së, Ilirjan Celibashi për dorëzimin e një dokumenti të firmosur nga Basha për të bërë regjistrimin e PD-së në zgjedhjet lokale.
Pas një mbledhje me anëtarë të grupit parlamentar që zgjati rreth 2 orë e 30 minuta, në një dalje për mediat, Alibeaj tha se do të vijonte me procedurat e mëtejshme për regjistrimin e PD-së në zgjedhje dhe se do të dorëzohej sqarimi përkatës për Komisionin Qendror të Zgjedhjeve. Ai theksoi se Basha është i dorëhequr dhe se të gjitha dokumentet e dorëzuara nga Partia Demokratike janë në përputhje me legjislacionin.
“Është diskutuar edhe vendimi i KQZ. PD do të ndjekë të gjitha procedurat dhe i gjithë dokumentacioni i depozituar pranë KQZ është në përputhje të plotë me legjislacionit dhe ju komunikoj që PD do të regjistrohet, do të marrë pjesë në zgjedhje e do jetë e fokusuar te 14 maji. E kemi bërë të qartë dje. Dorëheqja e Bashës është fakt publik s’ka ngelur njeri i madh apo i vogël që s’është në dijeni. Sqarimin përkatës ne do ta dërgojmë pranë KQZ, kështu që nuk ka asgjë për t’u diskutuar apo të paqartë. Kjo është një çështje e zgjidhur”, tha Alibeaj.
Sipas burimeve të Report TV, gjatë diskutimeve të mbajtura në mbledhje, ka qenë deputeti Dashnor Sula ai i cili ka kërkuar të gjendet gjuha e përbashkët mes 2 anëve të Partisë Demokratike. Sipas tij, duhet evituar dalja me dy kandidatë. Kjo ka qenë një pikë tepër e debatuar mes palëve, çka ka sjell edhe tone të larta në mbledhje.
Sipas informacioneve, jo të gjithë deputetët e grupit parlamentar të PD-së ishin të pranishëm në mbledhje. Përveç ligjvënësve që kanë shprehur haptas mosdakordësinë e tyre me Alibeajn, ndër deputetët që munguan ishin Lefter Gështenja, Jorida Tabaku dhe Arbi Agalliu Mbledhja nisi e Alibeajt.
Kujtojmë se gjatë seancës së KQZ-së të mbajtur në 9 mars, kreu i KQZ-së, Ilirjan Celibashi bëri të qartë se Partia Demokratike nuk do të regjistrohet dot në zgjedhjet lokale të 14 majit, nëse nuk dorëzohet dokumenti me deklaratën e firmosur nga Basha lidhur me Kodin Zgjedhor.
Ndërsa kanë mbetur edhe pak orë nga përfundimi i afatit prej 48 orësh që Celibashi i dha PD-së për dorëzimin e dokumentacionit të nevojshëm, duket se Basha nuk do të nënshkruajë dokumentin si kryetar në detyrë. Si rrjedhojë pritet që të nesërmen të ketë një vendim negativ nga ana e Celibashit dhe ky vendim do të ankimohet në Komisionin e Ankimimeve dhe Sanksioneve.
Gjatë mbledhjes u fol edhe për miratimin e kandidatëve të PD-së për bashkitë e vendit, proces për të cilin, Alibeaj tha se do të përmbyllet deri në datën 20.
Në mbledhjen e zhvilluar në 9 mars, gjatë shqyrtimit të kërkesave të grupimit të Berishës dhe të Alibeajt për t'u regjistruar në zgjedhje, KQZ vendosi të mos i pranojë të dyja. Kërkesa e Rithemelimit nuk u pranua për shkak se Basha njihet ligjërisht si kryetar partie dhe jo Berisha. Ndërsa kërkesën e Alibeajt për regjistrimin e PD-së në zgjedhje, Ilirjan Celibashi u shpreh se nuk e pranonte për shkak se mungonte një dokument shumë i rëndësishëm që ka të bëjë me Kodin Zgjedhor dhe që duhet firmosur me patjetër nga kryetari i partisë, që ligjërisht është Lulzim Basha. Për dorëzimin e dokumentit të firmosur, KQZ i la afat PD-së vetëm 48 orë kohë. Ndërsa deputeti Gazment Bardhi në një reagim të bërë u shpreh se kjo ishte një deklaratë politike e KQZ dhe se nuk do të bëhej asnjë plotësim tjetër i dokumenteve.
Kreu i grupit parlamentar të PD, Enkelejd Alibeaj ka folur pas takimit me deputetët duke thënë se do të regjistrohen në zgjedhjet e 14 majit dhe do të ndjekin procedurat e kërkuara nga KQZ.
“Kjo ishte mbledhje e radhës së Kryesisë e grupit parlamentar. Do të jenë më të shpeshta. Diskutimet dhe vendimet janë të fokusuara te aspekti organizativ i PD lidhur dhe në funksion të fushatës zgjedhore. Deri në datën 20 të përmbyllet procesi i miratimit të kandidaturave. Përveç kësaj janë diskutuar çështjet e organizimit, janë vendosur detyrat përkatëse që do të merren në aspektin e fushatës me organizimin dhe rifreskimin e strukturave tona. Jemi të vetëdijshëm për situatën jo aq të shëndetshme që kemi kaluar.
Tani që ka nisur fushata dhe është miratuar pozicioni i PD në fokusimin e zgjedhjeve të 14 majit, po kthehet në rutinën e funksionimit.
Është diskutuar edhe vendimi i KQZ. PD do të ndjekë të gjitha procedurat dhe i gjithë dokumentacioni i depozituar pranë KQZ është në përputhje të plotë me legjislacionin, janë çuar dhe sqarimet përkatëse për këdo që ka paqartësi në depozitimi dhe përmbajtjen e dokumentacionit dhe ju komunikoj që PD do të regjistrohet, do të marrë pjesë në zgjedhje e do jetë e fokusuar në shërbimin ndaj qytetarëve.
E kemi bërë të qartë dje. Dorëheqja e Bashës është fakt publik s’ka ngelur njeri i madh apo i vogël që s’është në dijeni. Sqarimin përkatës ne do ta dërgojmë pranë KQZ, kështu që nuk ka asgjë për t’u diskutuar apo të paqartë. Kjo është një çështje e zgjidhur”, tha Alibeaj.
Komente
Lajme të tjera
-
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Eduard Zaloshnja: Pavarësisht nga data e zgjedhjeve, votimi i emigrantëve duhet të mundësohet!
25 Nëntor, 15:14
-
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Buxheti 2025 gati për votim/ Deputetët e pavarur 8 propozime! Agalliu: Më shumë para për ish të përndjekurit, të rritet fondi për pensionistët
15 Nëntor, 18:37 -
Buxheti 2025/ KQZ kërkoi 137 mln lekë për investime, qeveria i dha 1.5 mln! Celibashi: Ende s'ka dakordësi as për votimin elektronik në Tiranë
15 Nëntor, 14:54 -
Celibashi takim me Hasanin dhe Hoxhën: Koordinim i angazhimeve për realizimin e votës së diasporës
12 Nëntor, 21:34 -
Komisioni antikorrupsion/ Kreu i KQZ-së: Problem, financimi i partive! Ndryshuat Kodin por latë pa zgjidhur financimin
12 Nëntor, 18:19 -
Verifikimi i kandidatëve për zgjedhjet 2025/ Autoriteti i Dosjeve: Partitë të dorëzojnë emrat 70 ditë para
12 Nëntor, 14:09 -
Qeveria shton fondin për KQZ, 20 milionë lekë për përgatitjen për zgjedhjet 2025
6 Nëntor, 18:38 -
Gjykata Kushtetuese rrëzon kërkesën e Sali Berishës për përjashtimin nga çështja e tij të gjyqtares Marsida Xhaferllari
6 Nëntor, 15:32 -
KQZ jep udhëzime për votën e emigrantëve: Mos fusni asnjë dokument në zarf veç fletës së votimit! S'duhet të ketë asnjë shënim mbi zarf
4 Nëntor, 14:50
Mos u beni kokemushka e te coni uje te mulliri i Saliut!Dorezoheni ne KQZ doc.qe u kerkohet dhe sqarimet e shpjegimet lirini per nje here tjeter.Ne se nuk veproni sic u kerkohet,Berisha qe mund te regjistrohet si koalicion me Liken, mund tju marre dhe votat dhe kandidatet e lekundur.
PërgjigjuPo mirë o trap në çfarë dokumenti është pasqyruar dorëheqja e një kryetari , vetëm në një dalje publike , a ka ndonjë vendim gjykate për këtë dorëheqje ,a e ka pasqyruar keshilli kombëtar i PD në kronikat e veta , apo bjeri ti biem se nuk merr vesh njeri, yyyttt rracë e pështirë që talleni me një aset kombëtar dhe në fund bëni edhe të fortin budalla , jazzek ju qoftë.
PërgjigjuKu ka ikur bashiu ne Holland apo mbrapa diellit more delenxhi .si sju vjen turp ,dini dhe te genjeni ne qofte se nuk e firmos babalja ju duhet te shkoni ne burg bashke me travestitin jurist bardhoshin qe vrau nje njeri ne Elbasan ,parti fashisye si genjen sala genjeni dhe ju ,nje rrace jeni parti fashiste .