"Rreze Dielli", Cole gatuan
për Ditën e Falenderimeve

Në kuzhinën e zonjës Tefta, rubrikë e përditshme e emisionit “Rreze Dielli” në televizionin A1 Report është ndjerë atmosfera e festës së Falenderimeve, e cila është një traditë amerikane.

I ftuar special ka qenë Nails Cole, zëvendës shef i Marrëdhënieve me Publikun në Ambasadën Amerikane, i cili është rikthyer në kuzhinën e zonjës Tefta. Cole është zhveshur nga petku i zyrtarit duke vendosur përparësen dhe ka gatuar dy gatime karakteristike amerikane.



Byrek/kek me kungull dhe Krem spinaqi me thërrime buke dhe erëza kanë qenë pjatat e menduara për t’u servirur ditën e sotme në këtë rubrikë.



Sipas Cole këto dy gatime tregojnë shumë për historinë e SHBA-së dhe gjithashtu pa byrekun me kungull nuk mund të festohet Dita e Falenderimeve por edhe që kungulli është 100% një asortiment amerian.



Gjithashtu Nails Cole është shprehur se festa e 100-vjetorit të Pavarësisë është duke u ndjerë edhe në Ambasadën Amerikane për shkak të lidhjes së fortë midis dy popujve dhe sepse Shqipëria është një aleate e fortë e SHBA-së.



Mjaft simpatik Cole është shprehur se jeton prej dy vitesh në Shqipëri dhe se gjuha shqipe i duket mjaft interesante, ndërkohë që ka komunikuar në këtë gjuhë gjatë emisionit.


Recetat e ditës në rubrikën "Të gatuajmë së bashku", në emsionin "Rreze Dielli"


Byrek/kek me kungull

Miell 2 filxhan çaji

Gjalp pa kripë 8 lugë gjelle

Kripë e trashë 1 luge çaji

Kungull i bardhë 2 filxhan çaji

Sheqer 1/2 filxhan kafe

Niseshte 1 lugë gjelle

Kanellë 2 lugë gjelle

Xhinxher 2 lugë gjelle

Arrë moskat ½ lugë gjelle

Vezë 2 kokrra


Krem spinaqi me thërrime buke dhe erëza

Spinaq 1 kg

Gjalp pa kripë 8 lugë gjelle

Thërrime buke 1/2 filxhani

Salcë speci pikant 1/8 lugë gjelle

Piper i zi

Hudhra 3 kokrra

Qepë e kuqe 1 kokërr

Miell 5 lugë

Qumësht

Salcë kosi

Lëng limoni 2 lugë gjelle

Arrë moskati ¼ lugë gjelle

(xh.k/shqiptarja.com)