Rrezikohet nga flakët fshati turistik Katund i Vjetër, kreu i PD-së në Mirditë thirrje kryebashkiakut: Ndërprit pushimet, të ndërhyhet për shuarjen e flakëve

Kryetari i Partisë Demokratike në Mirditë Mark Ruçi ka reaguar në lidhje me situatën e zjarreve në këtë zonë dhe kryesisht në Katundin e Vjetër i cili rrezikohet nga flakët. Ruçi thotë se flakët janë kthyer në një rrezik real për destinacionin e fshatit turistik Katund i Vjetër.

Ruçi shton më tej se zjarri i ardhur nga fshatrat e Malësise se Lezhës rrezikon seriozisht jetët e banorëve të lagjes Molung, por dhe gjithë fshatit Katundi i Vjeter në Njësinë Administrative Rubik. Më tej ai i bën thirrje kryebashkiakut të Mirditës që të ndërpresë pushimet dhe të kërkojnë ndërhyrje të menjëhershme për stabilizimin e situatës.

‘Rrezik real per destinacionin turistik te Katundit Vjeter.

LEXO EDHE:
Çelet ekspozita e rrallë me xhupa të vjetër, punime autentike të grave mirditore! Pasi u shpall “Kryevlerë Kombëtare” përgatitet dosja për në UNESCO

Per te dytin vit radhazi , zjarri i ardhur nga fshatrat e Malesise se Lezhes rrezikon seriozisht jetet e banoreve te lagjes Molung por dhe gjithe fshatit Katundi i Vjeter ne Njesine Administrative Rubik.

Demtimi bukurive natyrore te ketij fshati nga zjarri qe ka rreth 10 dite qe ka rene ne fshatrat e Lezhes , perben rrezikun real te demtimit te imazhit pozitiv qe destinacioni turistik i Katundit Vjeter ka krijuar ne keto vite si rezultat i punes me vizion e perkushtim te administratoreve te bizneseve aktiale.

Por ata jane te pafuqishem per te ndikuar ne fikjen e zjarreve , (ndonese vitin e kaluar kane kontribuar ndjeshem) por presin nderhyrjen e strukturave te emergjencave civile te Bashkise Mirdite per evakuimin e banoreve te lagjes Molung si dhe te Ministrise se Mbrojtjes, per nderhyrje nga ajri per shkak te terrenit te thyer.

Kryetari Bashkise Mirdite duhet te nderprese urgjentisht pushimet dhe te kerkoje nepermjet medias dhe kanaleve shteterore nderhyrje te menjehershme per stabilizimin e situates.

Vitin e kaluar ishte shirat e rene ato qe shuajten zjarrin ne kete fshat por sipas parashikimeve te sinoptikaneve nje gje e tille nuk do te ndodhe ne ditet ne vijim ndaj duhet nderhyrje te menjehershme.

I bejme thirrje kryetarit ne detyre z Ndrec Deda qe te mobilizoje gjithe strukturen mbeshtetese te zjarrfikesve, rrugeve rurale , ujesjellsit, sherbimeve publike qe jane te shumte ne numer per tu paraqitur tek Bankomati cdo fillim muaji por pa asnje ndikim ne permiresimin e sherbimeve karshi komunitetit.

Nuk po bejme politike por gjendja eshte alarmante o punembaruarit e bashkise Mirdite!’- shkruan Ruçi.

Lajmi kryesor:

Përhapet vatra e zjarrit në Patalej të Lezhës, flakët rrezikojnë fshatin turistik Katund i Vjetër! Banori: S'ka asnjë forcë zjarrfikëse, mund të digjen 7 shtëpi

M.Q./Shqiptarja.com

TAG:
• Lezhe
• mirdite
• Fushe-kruje
• zjarret ne vend