POP 5

Lajmet më të lexuara të 5 minutave të fundit

Kronikë

Rrezikohet përsëri përmbytje
në autostradë dhe në City Park

Reshjet e orëve të fundit rrezikojnë sërish autostradën nga përmbytjet, duke rikthyer edhe një herë në vëmendje përmbytjet e muajit dhjetor, ku qindra biznese pësuan dëme të pallogaritshme. VIDEO
Rrezikohet përsëri përmbytje<br />në autostradë dhe në City Park<br>
TIRANE-Reshjet e orëve të fundit rrezikojnë sërish autostradën nga përmbytjet, duke rikthyer edhe një herë në vëmendje përmbytjet e muajit dhjetor, ku qindra biznese pësuan dëme të pallogaritshme. Menaxheri i City Park shprehet se ky biznes, rrezikohet sërish nga përmbytjet, ndërsa u bën apel edhe bizneseve të tjera që të ndërhyjnë edhe ato për sistemimin e përroit në gjendje natyrale, me qëllim shmangien e përmbytjeve.

Më tej, menaxheri i City Park shprehet se Prefektura dhe IKMT nuk kane ndërhyrë në bizneset e tjera për të normalizuar situatën. “Dita e sotme paraqiti probleme, pavarësisht se City Park si institucion në bashkëpunim me IKMT dhe Prefekturën kanë marrë të gjitha masat, e ka kthyer përroin në gjendje fillestare dhe është bërë totalisht hapja. Ne prapë pamë se filloi sërish një situatë bllokimi nga reshjet, pasi zgjidhja është e pjesshme, ndërhyrja është bërë vetëm në zonën e City Park, ndërkohë që duhet bërë deri në fund dhe duke qenë se përroi është shumë herë më i ngushtuar se realiteti ata bëjnë një bllokim, që spostimin e sjell në City Park dhe sjell një situatë përmbytje. Nuk e dimë arsyen pse Prefektura dhe IKMT nuk e vazhduan këtë punë. Kërkojmë që të bëhet një zgjidhje definitive dhe përroi të kthehet në gjendjen fillestare dhe situata që ndodhi në nëntor të vitit të kaluar të mos përsëritet dhe të mos rrezikojnë as njerëzit dhe as bizneset” deklaroi Genti Çela. 

Mbrëmjen e kësaj të shtune ka pasur probleme në nënkalimin pranë City Parkut, ku një makinë ka mbetur në ujë dhe falë evakuimit, personat që gjendeshin brenda saj, kanë mundur të shpëtojnë.

d.b/shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça