37 familje të cilat rrezikoheshin për shkak të rrëshqitjeve masive të dheut në Selitë të vogël, do të qëndrojnë të evakuara deri në një afat të pacaktuar. Kjo pasi Shtabi i Emergjencës i ngritur për të rehabilituar perimetrin e prekur nga rrëshqitjet nuk ka ndërhyrë ende me veprime konkrete. Përveç bllokimit të zonës, topografët kanë përfunduar matjet në vendngjarje që konsiderohen të rëndësishme për projektin që po përpilohet. Prefekti i qarkut Tiranë, Sadi Vorpsi tha se ndërhyrjet do të kryhen kur të përfundojnë projekti teknik. Ai shtoi se do të ketë studime edhe në zona të tjera të Tiranës.
LAJMET MË TË VLERËSUARA








