POP 5

Lajmet më të lexuara të 5 minutave të fundit

Kronikë

Rrëzohet trajleri në aksin Kavajë-Durrës, bllokohet lëvizja e makinave, krijohet trafik! Policia: Të shmanget kalimi në këtë rrugë

Një trajler është rrëzuar, në aksin rrugor Kavajë-Durrës, në dalje të Kavajës, pa shkaktuar probleme në njerëz, por vetëm me dëme materiale dhe për pasojë është bllokuar edhe lëvizja e automjeteve

Një trajler është rrëzuar në aksin rrugor Kavajë-Durrës, në dalje të Kavajës, pa shkaktuar probleme në njerëz, por për pasojë është bllokuar rruga edhe lëvizja e automjeteve. 

Nisur nga fakti se trajleri është i tonazhit të rëndë dhe për ta lëvizur nga rruga duhet kohë, Policia e Shtetit iu bën thirrje të gjithë shoferëve të automjeteve që duan të qarkullojnë në drejtim të Tiranës, të shmangin këtë aks dhe të përdorin rrugën Rrogozhinë –Elbasan-Tiranë ose rrugë dytësore alternative.

"Shërbimet e Policisë janë në detyrë dhe po punojnë për zhbllokimin e rrugës dhe për të orientuar drejtuesit e automjeteve për të qarkulluar në rrugë alternative dytësore ose në rrugën Rrogozhinë-Elbasan-Tiranë", thotë policia.

Shkak i aksidentit duket se është bërë një manovër shpejtësie e shoferit. Për lëvizjen e trajlit i cili ishte i një tonazhi të rëndë, u kërkuan përforcime me makineri specifike dhe vinça të tonazhit të rëndë për të bërë të mundur lirimin e njërës korsi të rrugës.

Aksidenti shkaktoi efekt zinxhir ku për të shmangur trafikun në aksin kryesor të rrugës Kavajë-Durrës, u shtua trafiki në akset dytësore të saj. Për të lehtësuar situatën pati ndërhyrje nga Drejtoria Vendore e Policisë Durrës me mjete të patrullave dhe qarkullimit rrugor.

Deri më tani është bërë e mundur shmangia e trafikut dhe në aksin kryesor, sakaq po punohet intensivisht për largimin e trajlit nga rruga.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14