POP 5

Lajmet më të lexuara të 5 minutave të fundit

Ekonomi

Rriten çmimet e ushqimeve, në janar produktet e shportës 7.4% më shtrenjtë! Autoriteti i Konkurrencës nis monitorimin

Autoriteti i Konkurrencës ka nisur monitorimin e tregjeve ushqimore për rritjen e  çmimeve. Në një përgjigje zyrtare për Report TV ky institucion konfirmon se po mbikëqyr tregun për shkak të diferencës së lartë të çmimeve nga bujku tek konsumatori. Vetëm në muajin janar sipas INSTAT, produktet e shportës u shtrenjtuan me 7.4%.

Pas hetimit të nisur për tregun e miellit që u pasua me shtrenjtimin e bukës në shtator, hapjes së kontrolleve për sektorin e hidrokarbureve për çmimin e rritur të karburantit, Autoriteti i Konkurrencës ka nisur monitorimin e tregjeve të frutave dhe perimeve për shtrenjtimin e produkteve të shportës.

Nisur nga luhatjet në tregje, ku çmimet për prodhime të caktuara si spinaqi, brokoli, lule lakra apo karota shtrenjtohen nga bujku tek konsumatori në Tiranë me 100-150 lekë, Report TV ju drejtua me një kërkesë zyrtare Autoritetit të Konkurrencës, ku ky i fundit konfirmon se është duke monitoruar tregun për të parë nëse ka apo jo abuzime në çmime.

Shtrenjtim është vërejtur edhe tek produktet e tjera si qepë, patate, sallatë, domate apo kastravec, ku çmimet në Tiranë janë disa here më të larta se ato me të cilat grumbulluesi i merr tek bujku.

Nën monitorimin e Autoritetit të Konkurrencës do të jetë edhe tregu AGRO-ushqimor i Tiranës, për të parë nëse tregtarët aty rrisin çmimet e produkteve që kanë marrë nga rrethet. Nëse konstatohen shkelje, konkurrenca do të nisë hetim për abuzimet që kryhen.

Vetëm në muajin janar sipas të dhënave të INSTAT çmimet e zarzavateve dhe patateve u rritën me 17%, vajrat dhe yndyrat me 9,1 %, ndjekur nga frutat që u shtrenjtuan me 8,5 %, për të kaluar tek buka dhe drithërat me çmim 6% më të lartë. Shtrenjtim po ashtu është regjistruar edhe tek sheqeri, reçeli, mjalti, çokollata dhe ëmbëlsira me 5,5 %, mish me 3,1 % dhe qumështi, djathi dhe vezët me rritje prej 3%.

Në bazë të treguesve vetëm për produktet e shportës inflacioni në raport me janarin e 2021, rezulton të jetë 7.4%, ndërsa në tërësi për të gjitha produktet përfshirë, ujin, energjinë, transportin etj, inflacioni në janar rezultoi 3.7%, aq sa ishte edhe në dhjetor 2021.

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55