Eksportet shqiptare rritën sërish ritmet gjatë muajt maj me rreth 24 për qind më shumë se një vit më parë prej ringjalljes së shitjeve nga industria minerare.
Eksportet e grupit “minerale dhe lëndë djegëse” ishin 29 për qind më të larta në 5-mujorin e parë të vitit. Burimet zyrtare nga Ministria e Energjetikës pohuan se eksporti i mineraleve është rritur për shkak të ngritjes së një uzine për pasurimin e bakrit në zonën e Mirditës. Kjo ka ndikuar që bakri të shitet kundrejt një vlerë më të lartë këtë vit. Gjithashtu të njëjtat burime bëjnë të ditur se çmimi i kromit në tregun ndërkombëtar është rritur dukshëm këtë vit, duke sjellë fitime më të larta.
Shitjet jashtë vendit në këtë grup u nxitën edhe nga eksportet e energjisë elektrike, si pasojë e reshjeve të bollshme dhe rritjes së eksporteve të naftës nga kompania Bankers për shkak të mbylljes së ARMO-s. Burimet zyrtare nga kompania Bankers pohuan se, gjatë janar-maj 2018, kompania ka eksportuar jashtë vendit 34% më shumë sasi naftë bruto se e njëjta periudhë e vitit të kaluar.
Vetëm gjatë muajit maj, Bankers ka eksportuar 55% më shumë kundrejt majit 2017. Megjithëse në total prodhimi i naftës nga Bankers në fushën e Patos-Marinzës është reduktuar kundrejt vitit 2017, faktori kryesor që ka çuar në rritjen e sasisë së eksporteve është mbyllja e rafinerisë së Ballshit. Si pasojë i gjithë produkti është shitur jashtë vendit. Nëse 1 vit më parë, Bankers shiste gjysmën e prodhimit brenda vendit dhe gjysmën tjetër e eksportonte, në janar-maj 2018 e gjithë sasia është eksportuar.
Një tjetër faktor që mund të ndikojë edhe më shumë në ndryshimin e vlerës së eksporteve është çmimi i Brent, i cili është rritur me mbi 50% kundrejt vitit 2017 (51 USD në maj 2017; 77 USD në maj 2018).
Nga ana tjetër, materialet e ndërtimit ishin grupi i dytë, i cili shënoi rritje të fortë të eksporteve me 28%, si pasojë e rritjes së shitjeve në Kosovë nga Ndërtimi i Autostradës së re- Prishtinë-Shkup, punimet e së cilës janë në kulm.
Tekstilet dhe këpucët, që janë motori i eksporteve shqiptare, kanë frenuar rritjen më tej gjatë muajit maj. Sipas të dhënave të INSTAT, ato u rritën me vetëm 4.8%. Vitin e kaluar eksportet e tekstileve janë rritur me ritme dyshifrore. Të kontaktuar nga Monitor, eksportuesit pohuan se kërkesa nga partnerët është e lartë dhe ata kanë pasur rritje të kërkesave në sasi mbi 20%, por problemi është te zhvlerësimi i euros, që po sjell më pak të ardhura për ta. Për 4-mujorin, rritja e eksporteve është ngadalësuar në 10%, duke arritur në 41.1 miliardë lekë.
Ecuria e tregtisë
Në muajin maj 2018, vendet me të cilët Shqipëria ka pasur rritje më të madhe të eksporteve, në krahasim me maj 2017 janë: Italia me (3,2 %), Kosova me (37,0%) dhe Spanja me (132,5%). Ndërsa vendet me të cilat eksportet kanë pasur uljen më të madhe janë: Kina me (-18,4 %), Suedia me (-0,6 %) dhe Turqia me (-4,1 %) .
Gjatë këtij pesëmujori, vendet me të cilët Shqipëria ka pasur rritje më të madhe të eksporteve, në krahasim me një vit më parë, janë: Italia me (5,9%), Spanja me (99,5%) dhe Kosova me (5,8%).
Ndërsa vendet me të cilat eksportet kanë pasur uljen më të madhe, janë: Kina me (-26,2%), Rumania me (-3,3%) dhe Hungaria me (-11,5%).
Në muajin maj 2018, vendet me të cilët Shqipëria ka pasur rritje më të madhe të importeve, në krahasim me maj 2017, janë: Italia me (3,0%), Kina me (9,7%) dhe Spanja me (36,9%). Ndërsa vendet me të cilat importet kanë pasur uljen më të madhe janë: Greqia me (-2,5 %), Turqia me (-20,5%) dhe Gjermania me (-10,1%).
Gjatë këtij pesëmujori, vendet me të cilët Shqipëria ka pasur rritje më të madhe të importeve, në krahasim me një vit më parë, janë: Italia me (4,0%), Gjermania me (2,7%) dhe Turqia me (1,4%). Ndërsa vendet me të cilat importet kanë pasur uljen më të madhe, janë: Serbia me (-16,6%), Shtetet e Bashkuara të Amerikës me (-1,3%) dhe Egjipti me (-19,1%). Marrë nga Monitor.al
Lajme të tjera
-
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Kriza e euros/ Fasoneria 'nuk ngre kokë', afro 150 mln euro më pak eksporte
30 Shtator, 15:35
-
Bien industria dhe energjia në tremujorin e dytë të 2024, prodhimin e mban në këmbë ndërtimi
17 Shtator, 07:40 -
Bizneset shqiptare shitën 12% më pak se vjet! Energjia në vend numëro, fuqizohet importi!
20 Gusht, 15:42
-
Eksportet i rikthehen rënies, u tkurrën me 12.4% në maj! U shitën më pak tekstile dhe produkte ushqimore
18 Qershor, 15:02 -
Për herë të parë pas 14 muaj rriten lehtë eksportet! Bumi turistik po shton importin e produkteve ushqimore
20 Maj, 21:52
-
Viti 2024 po thellon krizën e sektorit të manifakturës! Në janar dhe shkurt eksportet e tekstileve ranë 38 mln €
24 Mars, 20:49
-
Eksportet nuk ‘ngrenë kokë’, u ulën me 16% në muajin shkurt! INSTAT: Importet u rritën me 7.9% në muajin e kaluar
18 Mars, 17:11 -
Shkëmbimi tregtar me Kosovën, Çoçoli: Rritje prej 28%, potencial për ta dyfishuar! Zusi: Duhet të kemi më shumë shkëmbim të produkteve bujqësore
8 Mars, 20:28 -
Fasonët humbje 110 mln euro, Prençe: Garancia sovrane do na ndihmojë! Kërkojmë që interesi i kredisë të jetë 0% deri 1.5%
22 Shkurt, 15:35 -
Eksportet e mallrave në pikiatë, në janar u tkurrën me 29%! Forcohet importi, INSTAT: U blenë jashtë 60 mld lekë mallra
19 Shkurt, 19:01
-
Krujë/ Fasonët të prekur nga rënia e euros dhe eksporteve! 1200 punonjëse u larguan nga puna në 48 orë, paralajmërojnë protestë
11 Janar, 15:36
