POP 5

Lajmet më të lexuara të 5 minutave të fundit

Ekonomi

Rriten kreditë e këqia,
24.2% në shkurt

Kreditë që bizneset dhe individët nuk u kthejnë bankave në kohën e duhur kanë vijuar të rriten për të dytin muaj radhazi, pasi kishin ndalur këtë tendencë në dhjetor.
Rriten kreditë e këqia,<br />24.2% në shkurt
TIRANE- Kreditë që bizneset dhe individët nuk u kthejnë bankave në kohën e duhur kanë vijuar të rriten për të dytin muaj radhazi, pasi kishin ndalur këtë tendencë në dhjetor. Të dhënat e Shoqatës Shqiptare të Bankave bëjnë të ditur se huatë e pakthyera në afat arritën në 24.2% të totalit në shkurt, nga 24.1% që ishin në janar dhe 23.22% që u mbyll viti 2013. Bankat, në përpjekje për të mbyllur me fitim 2013-n, duket se kanë shtyrë klasifikimin e kredive me probleme për në fillim të vitit tjetër, çka u reflektua në zgjerimin e këtij treguesi në janar.

Një tjetër faktor që ka ndikuar ka qenë dhe tkurrja e kredisë në dy muajt e parë të vitit. Sipas statistikave të Bankës së Shqipërisë, stoku i kredisë për ekonominë në fund të muajit shkurt ishte 540.7 miliardë lekë, duke rënë me 0.7% në krahasim me janarin e po këtij viti. Në raport me fundin e 2013-s, kredia për ekonominë ka rënë me 1.3%.

Bankierët kishin shpresuar se 2013 do të shënonte dhe fundin e rritjes së kredive me problem, por dy muajt e parë të vitit po tregojnë se sistemi do ta ketë të vështirë të frenojë zgjerimin e këtij treguesi, që është bërë një problem shqetësues dhe po ndikon ndjeshëm në frenimin e huadhënies për ekonominë, teksa bankat janë përqendruar në mbledhjen e kredive të pakthyera në afat.

Kjo, megjithë masat që janë marrë edhe nga politika, e cila ka ndryshuar madje edhe klauzola të tëra të Kodit Civil, vetëm për të favorizuar grumbullimin nga ana e bankave të detyrimeve të
pakthyera.

Shkrimi u publikua sot (9.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51